gallery.MgHla.net

gallery.MgHla.net -ေ မာ င် လှ ရဲ့  ဓာ တ် ပုံ ပြ ခ န်း

ကျွန်တော် ဖန်တီးခဲ့သော / ဖန်တီးလျှက်ရှိသော / ဆက်လက် ဖန်တီးမည့် ဓာတ်ပုံ၊ ရုပ်ပုံ၊ လှုပ်ရှားမှု ပုံများ၊ စာသား စသည့် ဖန်တီးမှုများ အားလုံးအား a Creative Commons Attribution-NonCommercial-NoDerivs 3.0 Unported License. လိုင်စင် ရယူထားပါကြောင်း အသိပေးအပ်ပါသည်။
http://creativecommons.org/licenses/by-nc-nd/3.0/

Hindu Fire Walking Ceremony (Mandalay News)

ကျတော့် အမျိုးသမီးရဲ့ အကိုကြီးက ၇၇-လမ်းနဲ့ ၂၇-လမ်းထောင့်မှာ မီနင်းပွဲတော်ရှိတယ် ဆိုတာနဲ့ ကိုသခင်ကြီး ကို ဝင်ခေါ်ပြီး အရောက်သွားဖြစ်တယ်... ညနေ ၅း၁၅-နာရီလောက် ဟိုရောက်တော့ လူတွေ အများကြီး ရောက်နေပြီ... ဆိုင်ကယ်ကို လမ်းဘေးမှာ ထိုးရပ်ရင်း လူအုပ်ထဲ ဘယ်နားက ဝင်တိုးရင် ကောင်းမလဲ စဉ်းစားမိတယ်... ကိုဂျေ့နောက်လိုက်ဝင်ပြီး ရပ်နေတော့ ယောက်ဖက ဖုန်းဆက်ပြီး အဲဒီဘက်က အဝင်ဘက် ဓာတ်ပုံရိုက်လို့ ကောင်းမှာ မဟုတ်ဘူး၊ သူ့ဘက်လာခဲ့ပါဆိုလို့ ဝင်သွားလိုက်တာ မီးပုံဘေး ကပ်ရက်ကို ရောက်သွားတယ်... ဟော... သတင်းထောက် ကိုဇော်ဌေးလည်း ကာထားတဲ့ တန်းပေါ် တက်ထိုင်ပြီး ဓာတ်ပုံရိုက်ဖို့ စောင့်နေတယ်...
ဓာတ်ပုံထဲမှာကြည့်ရင်တော့ ပြာဖုံးနေတဲ့ မီးခဲတွေလို့ ထင်ရပေမယ့်... တကယ်ပူတဲ့ မီးဗျာ... မီးနင်းမယ့်လူတွေ မရောက်ခင် မျက်နှာကို လက်နဲ့ ကွယ်ထားရတယ်... ခဏနေတော့ ကျတော့်ရှေ့ကို လူငယ်အဖွဲ့ရောက်လာတယ် မီးပုံထဲ ပြုတ်ကျမှာစိုးလို့ လက်တွေနဲ့ ကာထားလေရဲ့... မီးနင်းမယ့်လူတွေလည်း လာရော ဓာတ်ပုံတွေ တစ်ပုံပြီး တစ်ပုံ ဆက်တိုက် ရိုက်ဖြစ်တယ်... အမြန် တစ်ခါမှ မရိုက်ဖူးလို့ ရိုက်ရတာ ဒုက္ခရောက်တယ်... နေဝင်တော့မှာမို့ အမြန်လည်း ရိုက်လို့ရအောင် ISO 1600 တင်ပြီး ရိုက်ဖြစ်တယ်... နောက်က လူတွေကလည်း တိုးလိုက်တာဗျာ... မီးပုံထဲ လဲကမှာစိုးလို့ သူတို့ကို ပြန်မှီပြီး ဓာတ်ပုံရိုက်ပစ်လိုက်တယ်ဗျာ... နောက်က အရမ်းတိုးလွန်းတော့ ဟန်ချက်ပျက်လွန်းလို့ နောက်ကို မှီလိုက်တော့မှပဲ အဆင်ပြေသွားတော့တယ်...
မီးက ပူလွန်းလို့ မနေနိုင်တော့တာရော၊ ကျတော် ခြေမြန်တော် ဆိုင်ကယ်လေး သူခိုးမသွားမှာစိုးလို့ မီးနင်းပုံတွေရိုက်တာ အားရတော့ လူအုပ်ထဲက မနည်းပြန်ပြီး တိုးထွက်ဖြစ်တယ်... ပြန်ထွက်တဲ့လမ်းမှာ တွေ့တဲ့ မီးနင်းမယ့် လူတွေရဲ့ပုံတွေကိုလည်း အဆင်ပြေစွာနဲ့ ရိုက်ဖြစ်တယ်...


My labels: Mandalay News, Hindu Fire Walking Ceremony, မန်းလေး, မန္တလေး ဟိန္ဒူ မီးနင်း ပွဲတော်, မီးပေါ်မှာ လမ်းလျှောက်ခြင်း, photo, ဓာတ်ပုံ

Comments

Chan Mya Soe said…
ပုံတွေမိုက်တယ် ကိုတုံ :) ဒါနဲ့ အဲဒါ ဘယ်နားမှာ လုပ်တာလဲ ?

Ad