Tin Tin's Ads

gallery.MgHla.net -ေ မာ င် လှ ရဲ့  ဓာ တ် ပုံ ပြ ခ န်း

ကျွန်တော် ဖန်တီးခဲ့သော / ဖန်တီးလျှက်ရှိသော / ဆက်လက် ဖန်တီးမည့် ဓာတ်ပုံ၊ ရုပ်ပုံ၊ လှုပ်ရှားမှု ပုံများ၊ စာသား စသည့် ဖန်တီးမှုများ အားလုံးအား a Creative Commons Attribution-NonCommercial-NoDerivs 3.0 Unported License. လိုင်စင် ရယူထားပါကြောင်း အသိပေးအပ်ပါသည်။
http://creativecommons.org/licenses/by-nc-nd/3.0/


Sunday, December 30, 2007

မနက်ဖြန်ဟာ...

ဪ... ကျတော်လည်း ဒီကမ္ဘာမြေပေါ်မှာ ရပ်တည်နေထိုင်ပြီး ဒီကမ္ဘာမြေကြီးကို ကောင်းအောင် မလုပ်နိုင်ဘဲ ဒုက္ခပေးမိသလို ဖြစ်တာ ဘာလိုလိုနဲ့ မနက်ဖြန်ည ၁၁း၃၀ နာရီဆိုရင် အနှစ် ၃၀ ပြည့်မြောက်လေပြီ... ကျတော် ကမ္ဘာမြေကြီးကို ဒုက္ခပေးနေမိတာကို ကမ္ဘာမြေကြီးတောင် သိရဲ့လား မသိ...
ပထမဆုံး ကျတော့်ကို မွေးဖွားခဲ့တဲ့၊ ကျတော့်ကို ဒီလူ့လောကထဲကို အရောက်ခေါ်ခဲ့တဲ့ ကျတော် မိခင်ကို ကျေးဇူးတင်တယ်... ငယ်စဉ် ကလေးဘဝကနေစပြီး မိန်းမမယူခင်အချိန်အထိ ထမင်းဟင်း ချက်ကြွေး၊ အဝတ်အစားတွေ လျှော်ဖွတ်ပေး၊ မီးပူတိုက်ပေးတတ်တဲ့ မေမေ့ကို ကျတော် အရမ်းချစ်ပါတယ် မေမေ...
ကွယ်လွန်သွားပြီ ဖြစ်တဲ့ ဖေဖေကိုလည်း ကျတော် အရမ်း ကျေးဇူးတင်တယ်... အရမ်းချစ်တယ်... ညီအကို သုံးယောက်ထဲမှာ အငယ်ဆုံးဖြစ်တဲ့ ကျတော့်ကို အလိုအလိုက်ဆုံးနဲ့ အများဆုံး ရိုက်ခဲ့၊ ဆူခဲ့ရတယ် မဟုတ်လားဖေဖေ... အဖေ့ကို ပိုပြီး ကျေးဇူးတင်တာက ကျတော် ဆယ်တန်းအောင်တော့ မေမြို့မှာ ရှိတဲ့ ကျောင်းတစ်ခု တက်ဖို့ လျှောက်လွှာ တင်မယ် ဆိုတော့ မင်းမတက်ပါနဲ့ကွာ မင်း ... ငါ့လို ဘာမှ ဘေးပေါက် မရှာတတ်ရင် ဆင်းဆင်းရဲရဲ နေရလိမ့်မယ်လို့ တားခဲ့တဲ့ အဖေ့ကို အခု အချိန်မှာ ကျေးဇူးအရမ်းတင်တယ်အဖေ... အဖေ့ ခြေရာ ဆက်မနင်းခဲမိတာ သားမှန်သွားတယ် ဖေဖေ... ဖေဖေလည်း ၁၉၈၇-ခုနှစ်မှာ တပ်ကထွက်ခဲ့တာ ဆေးပင်စင်နဲ့ အငြိမ်းစားယူခဲ့တာကိုလည်း အရင်တုန်းက ကျတော် မကျေမနပ်ဖြစ်ခဲ့ဖူးပေမယ့် အခုတော့ ကျတော် ကျေနပ် ဂုဏ်ယူနေမိတယ်အဖေ... ဖေဖေရေ... ဒီနှစ်အထိ ဖေဖေ အသက်ရှင်ရက် ရှိဦးမယ်ဆိုရင် အဖေလုပ်ခဲ့ဖူးတဲ့ အဖွဲ့အစည်းကြီးရဲ့ လုပ်ဆောင်ချက်တွေကို အဖေလည်း အော့နှလုံးနာမိမှာပဲ အဖေ... ကျတော်တော့ အရမ်းကို အော့နှလုံးနာပြီး ရွံမိတယ်အဖေ... ဖေဖေရေ... မေမေရဲ့ အဖိုးလည်း အခု အသည်းအသန် ဖြစ်နေလေရဲ့... မေမေ မန္တလေးမှာ မရှိဘူး ဖေဖေ... အဖေ့ မြေးမလေးလည်း အခု စကားတွေ မပီကလာ ပီကလာပြောပြီး ချွဲတတ်နေပြီအဖေ...
ကိုကြီး... ကိုကြီးလည်း မနက်ဖြန်ဆိုရင် အသက် ၃၇-နှစ်ပြည့်ပြီနော်... ကိုကြီးနဲ့ ကျတော့်ကို သဘာဝအတိုင်း မွေးနေ့တူအောင် မွေးခဲ့ ပေးတဲ့ ဖေဖေနဲ့ မေမေကို ကျေးဇူး တင်တယ်...
အကိုကြီးတော့ အဖအရာ ဆိုတဲ့ အတိုင်း ဖေဖေ နေမကောင်းပဲ အိပ်ယာထဲ လဲနေတဲ့ အချိန်များမှာ ကျတော့် အတွက် လုပ်ပေးခဲ့တာတွေကို ကျေးဇူးတင်တယ်...
ကိုထိုက်... ရန်ဖြစ်လိုက် ပြန်ချစ်လိုက်နဲ့ မတည့် အတူနေခဲ့ကြတယ်... ကျတော် မိန်းမယူပြီး နောက်ပိုင်း ကျတော် ပျော်စရာရှိရင် လိုက်ပျော်ပေးတယ်... ကျတော် စိတ်ညစ်စရာရှိရင် လိုက်ညစ်ပေးတယ်... လိုအပ်တာရှိရင် ကူညီပေးခဲ့လို့ ကျေးဇူးပါပဲ... လူပျိုကြီးရေ... မေမေ့ကိုလည်း ဂရုစိုက်ပါဦး... မေမေ စိတ်ညစ်အောင်လည်း မလုပ်နဲ့ဦး...
မိန်းမရေ... ချစ်တယ်ကွာ...
သမီးလေးရေ... ချစ်တယ်ဗျာ...

Thursday, December 27, 2007

ဘာရယ်တော့ မဟုတ်ပါဘူး...

မိန်းမက မွေးနေ့လက်ဆောင် အဖြစ် ကြိုဝယ်ပေးထားတဲ့ ဒီ၄၀ကို ၂၃ရက်နေ့ ညက
လျှာရှည်ပြီး ဖုန်မှုတ်တာ ဖုန်မပြောင်ဘဲ ပိုတက်သွားလို့ ၂၄ရက်နေ့ မနက်
နစ်ကွန်သွားပြီး ဆားဗစ် လုပ်လိုက်တာ ၂-ပုလင်း ထွက်သွားတယ်... ဗျဲ ဗြဲ...
ဗျူးဖိုင်ဒါမှာ ဖုန်တွေရှိနေတုန်း ပုံရိုက်ရင်တော့ မပါတော့ဘူး...

ဒါနဲ့စကားမစပ်...
ဘလော့ဂါဒေါ့ကွန်းကို ပိတ်ထားကတည်းက ဘလော့ကို ကောင်းကောင်း မရေးဖြစ်ဘူး
ဖြစ်နေတယ်... ဘလော့ဂါဒေါ့ကွန်းထဲ ဝင်ရေးလို့ မရတော့ ဘလော့ရေးတဲ့အရသာ
ပျောက်ဆုံး ပျက်ဆီးသလို ဖြစ်နေတာနဲ့ မရေးဖြစ်ဘူး ဖြစ်နေတာ...
သာသနာဖျက်များ ကျဆုံးပါစေ...