Mingalarbar by MgHla Photo Book လေးကို အားပေးကြပါဦး...

ကျွန်တော့်ရဲ့ Mingalarbar by MgHla စာအုပ်လေး April 2013 issue ( http://www.magzter.com/MM/MgHla/Mingalarbar-by-MgHla/Art/16622 ) အနေနဲ့ Magzter online store ပေါ်မှာ 1.99USD နဲ့ စတင် ဝယ်ယူရရှိနိုင်ပါပြီ... March လ နောက်ဆုံးပတ် အစမှာ ဒီစာအုပ်လေးကို စတင်ခဲ့သော်လည်း Publisher အသစ်ဖြစ်နေတဲ့ အတွက် Magzter ဘက်မှ စစ်ဆေးနေလို့ အခုမှ online ပေါ် ရောက်ရှိလာတာပါ... April 2013 ဆိုတာလေးကို ပြင်ချင်ပေမယ့်လည်း ထပ်ပြင်ရင် ထပ်ကြာနေမှာစိုးလို့ ဒီအတိုင်းပဲ ထားလိုက်ပါတော့မယ်... ဒီစာအုပ်လေးကို တစ်နှစ်ကို ၂-ကြိမ် ထုတ်မယ်စိတ်ကူးထားပါတယ်... သက်ဆိုင်ရာ Magzter App လေးကို အသုံးပြုပြီး iOS, Android, Web, Amazon, Windows 8, Samsung, Huawei store များပေါ်မှာ ဖြစ်ရှုနိုင်မယ်လို့ Magzter က ပြောထားပါတယ်... ဒီစာအုပ် ရောင်းရငွေ အသားတင်အမြတ်ရဲ့ 50% ကို လူမှုရေး အကူအညီပေးနေတဲ့ အဖွဲ့တစ်ခုကိုလှူမှာ ဖြစ်လို့ အားပေးကြပါဦး... USD1.99 မှာမှ အသားတင် အမြတ်ရဲ့ 50% ပဲ ကျတော် ရမှာပါ...

သတင်းကောင်း၊ ဝမ်းနည်းစရာ သတင်းနဲ့ နှုတ်ဆက်ခြင်း...

သတင်း ၃-ခု ပြောစရာ ရှိပါတယ်...

ပထမဆုံး ဝမ်းသာစရာ သတင်းကောင်း ၂-ခု အရင် ပြောပါ့မယ်... 

- အသစ်ထွက်မယ့် CDMA 800 ကြိုတင် ဝယ်ယူရရှိပြီး အခု iPhone 5 မှာ သုံးလို့ရအောင်လုပ်ပေးတဲ့ ဆက်သွယ်ရေးက သူငယ်ချင်းကို ကျေးဇူးတင်ပါတယ်... အခုအဲဒီဟာနဲ့သုံးနေတာ 7Mbps ရပါတယ်...

- HTC One X+ အကြောင်းတွေ သတင်းရေးပေး ဖြန့်ပေးလို့ဆိုပြီး HTC မှ HTC one handset အသစ် လက်ဆောင်ရပါတယ်...  မန္တလေးသား HTC CEO ကြီးကို ကျေးဇူး အထူးတင်ပါတယ်...

ဝမ်းနည်းစရာ သတင်းက...

- Internet ပေါ်က ကျွန်ပိုင်ဆိုင်တဲ့ MgHla.net, MgHla Mandalay, MgHla နာမည်နဲ့ လုပ်ခဲ့တဲ့ ဖန်တီးခဲ့တဲ့ စာသား၊ ဓာတ်ပုံ (မိသားစု၊ သူငယ်ချင်း၊ မိတ်ဆွေ ပုံများမပါ) များကို ကုမ္ပဏီ တစ်ခုကို ကျပ်သိန်း တစ်ထောင်နဲ့ ရောင်းလိုက်ပါပြီ... ဒါတင်ပြီး မိနစ် ၃၀ နောက်ပိုင်း MgHla နဲ့ ပတ်သက်သမျှ ကျွန်တော်နဲ့ မဆိုင်တော့သလို၊ ကျွန်တော် မပိုင်တော့ပါ... MgHla နာမည်ကို ကျွန်တော် ဆက်သုံးခွင့် မရှိတော့ပါ...

နှုတ်ဆက်ခဲ့ပါတယ်....

မောင်လှ

ဒီနှုတ်ဆက် စာသားတင်ခွင့်ပေးတဲ့ MgHla ကို ဝယ်ယူသွားတဲ့ ကုမ္ပဏီကို ကျေးဇူး အထူးတင်ပါတယ်...

Gmail + Google Authenticator (ပိုမို စိတ်ချရတဲ့ Gmail Account ဖြစ်အောင်...)

ဒီ Gmail + Google Authenticator (ပိုမို စိတ်ချရတဲ့ Gmail Account ဖြစ်အောင်...) ပြုလုပ်တာဟာ လုပ်ရင်း အဆင်မပြေမှုတွေဖြစ်ပေါ်နိုင်တဲ့ အတွက် အရေးမကြီးတဲ့ Gmail Account မှာ အရင်စမ်းစေချင်ပါတယ်။ Gmail Account locked ကျသွားတာမျိုး၊ ဝင်မရတာမျိုး ဖြစ်ခဲ့ရင်တော့ ကျွန်တော် တာဝန်ယူမည် မဟုတ်ပါကြောင်း ကြိုတင် အသိပေး မေတ္တာရပ်ခံပါရစေ။

ကျွန်တော်တို့ရဲ့ Gmail Account များကို ပိုမို စိတ်ချရတဲ့ Gmail Account ဖြစ်အောင် ပြောင်းကြရအောင်ပါ... အဲဒီလို ပြောင်းဖို့ အတွက် ဘာတွေလိုအပ်မလဲဆိုတော့ Google Authenticator အင်စတော လုပ်ထားတဲ့ Android/iPhone/Blackberry handset (၁)လုံး၊ Google က ပြန်လည် ခေါ်ဆိုလို့ရမယ့် ဖုန်းလိုင်း (သို့) sms လက်ခံနိုင်မယ့် ဖုန်းလိုင်း၊ ကွန်ပျူတာ၊ အင်တာနက် တွေလိုအပ်ပါတယ်...

Google Authenticator ထည့်သွင်းထားသော android handset

ကျွန်တော်တို့ အခုလုပ်မယ့်ဟာကို Gmail မှာ 2-Setup Verification လို့ google က သုံးနှုန်းပါတယ်...

1. ကွန်ပျူတာကနေ Gmail ထဲကို  ဝင်လိုက်ပါ။ mail စစ်လို့ရ၊ ပို့လို့ရတဲ့ နေရာကို ရောက်ပြီဆိုရင် screen ရဲ့ ညာဘက် အပေါ်ထောင့်က email လိပ်စာပေါ် click လုပ်ပြီး ပေါ်လာတဲ့ pop up menu ထဲက Account ကို click လုပ်။

2. ပေါ်လာတဲ့ Accounts page ထဲက Security ကို click နှိပ်ပါ။  

3. 2-step verification Status: OFF ရဲ့ ညာဘက်က Edit ကို click နှိပ်ပါ။

4. အောက်မှာပြထားတဲ့ ပုံအတိုင်း Signing in with 2-step verification screen ထဲက Start setup ကို နှိပ်ပါ။

5. Set up your phone အဆင့်မှာ Google က ပြန်လည် ခေါ်ဆိုလို့ရမယ့် ဖုန်းလိုင်း (သို့) sms လက်ခံနိုင်မယ့် ဖုန်းလိုင်း နံပါတ်ကို ရိုက်ထည့်ပေးပါ။ ကျွန်တော်တို့ ပြည်တွင်းမှာသုံးနေတဲ့ ဖုန်းတွေက  နိုင်ငံခြားက ပို့တဲ့ sms လက်ခံလို့ မရသေးတဲ့အတွက် Voice Call ကို ရွေးပြီး Send code ကို နှိပ်ပါ။

6. Verify your phone အဆင့်မှာတော့ Google က ပို့လာတဲ့ sms (သို့မဟုတ်) ဖုန်းကပြောလိုက်တဲ့ နံပါတ် 6-လုံးကို ထည့်ပြီး Verify ကို နှိပ်ပါ။

7. Trust this computer အဆင့်မှာတော့ အခု ကျွန်တော်တို့ လုပ်နေတဲ့ ကွန်ပျူတာက ကိုယ်ပိုင်သုံး ကွန်ပျူတာ ဖြစ်ရင်တော့ Trust this computer ကို အမှန်ခြစ် ခြစ်ပါ။ Username, Password သိရုံနဲ့ ဝင်ခွင့်မပြုချင်ရင်တော့ Trust this computer က အမှန်ခြစ်ကို ဖြုတ်ပါ။ Gmail ကတော့ အခုလုပ်နေတာ ကိုယ်ပိုင် ကွန်ပျူတာ ဖြစ်မယ်ဆိုရင်တော့ Trust this computer ကို အမှန်ခြစ်ခိုင်းပါတယ်။ ဒီအဆင့်မှာ Trust this computer ကို အမှန်ခြစ်ခဲ့ရင် အခု setting ချနေတဲ့ ကွန်ပျူတာ+သုံးတဲ့ browser မှာဆိုရင် Gmail login ဝင်ရင် ပုံမှန် အတိုင်း Username + Password ၂-ခုနဲ့ပဲ login ဝင်လို့ရမှာပါ။

8. ဒီ Confirm အဆင့်မှာတော့ 2-setup verification ကို တကယ်အသုံးပြုမယ်ဆိုရင်တော့ ကို တကယ်အသုံးပြုမယ်ဆိုရင်တော့ Confirm ကို နှိပ်ပါ။

9. ဒီအဆင့်မှာ ပထမဆုံး ကျွန်တော်တို့ လုပ်ထားရမှာက Google Authenticator သုံးတဲ့ ဖုန်းပျောက်ခဲ့သည်ရှိသော် Gmail ကို ဆက်လက်သုံးနိုင်အောင် Show backup codes ကို နှိပ်ပြီး ပေါ်လာတဲ့ codes တွေကို သိမ်းထားပါ။
ကျွန်တော်တို့ Gmail login အတွက် verification code ထုတ်ပေးမယ့် အခါသုံးမယ့် ဖုန်း အမျိုးအစား Android - iPhone - BlackBerry ထဲက တစ်ခုခုကို ရွေးပါ။

ကျွန်တော်က Android ဖုန်းအမျိုးစားကို ရွေးလိုက်ပါတယ်။

10. ကွန်ပျူတာ screen မှာ အောက်မှာ ဖော်ပြထားတဲ့ ပုံမျိုးပေါ်လာပြီဆိုရင် Google Authenticator app ထဲထားတဲ့ ဖုန်းကိုပါ လက်က ကိုင်ထားပါ။ :D ဒီအဆင့်ကို ကျွန်တော်တို့ ပြန်လာကြည့်ရပါဦးမယ်။ ဒီအောက်က ပုံကို မှတ်ထားကြပါ။

11.Google Authenticator App  ထည့်သွင်းထားတဲ့ ဖုန်းမှာ Google Authenticator app ကို ဖွင့်ပါ။ ကျွန်တော့် Android ဖုန်းမှာတော့ အောက်က ပုံစံ အတိုင်း မြင်ရပါတယ်။ အဲဒီထဲက Scan a barcode ကို လက်နဲ့ တို့ထိလိုက်ပါ။ ကင်မရာရိုက်သလို လေးထောင့်ကွက် ပေါ်လာရင် ကွန်ပျူတာ screen မှာ ပေါ်နေတဲ့ အဆင့် (၁၀) က ပုံမှာ အနီနဲ့ဝိုင်း ပြထားတဲ့  လေးထောင့်ကွက်ကြီး နေရာက ပုံစံမျိုး (QR Code)ကို ချိန်လိုက်ပါ။

12. ဖုန်းပေါ်မှာ အောက်မှာဖော်ပြထားတဲ့ အတိုင်း ကျွန်တော်တို့ setup လုပ်နေတဲ့ Gmail လိပ်စာနဲ့ ဂဏန်း ၆-လုံးပါ code ကို ဖော်ပြပေးပါလိမ့်မယ်။ ဒီ code ၆-လုံးကို အဆင့် (၁၀)က ပုံမှာ ပြထားတဲ့ အတိုင်း ပေါ်နေတဲ့ ကွန်ပျူတာ screen ထဲက Code: ဆိုတဲ့ နေရာမှာ ထည့်ပြီး Verify and Save ကို နှိပ်ပါ။

13. Google Authenticator setup successful တဲ့။ OK ကို နှိပ်ပါ။
ကျွန်တော်တို့ရဲ့ Gmail ကို login ဝင်မယ်ဆိုရင် Username နဲ့ Password သိရုံနဲ့ ဝင်လို့မရတော့ပါဘူး။ Google Authenticator app ထည့်ထားတဲ့ အခု ကျွန်တော်တို့ setup လုပ်ခဲ့တဲ့ ဖုန်းပါ ရှိမှ ဝင်လို့ရပါတော့မယ်။

14. ကျွန်တော်တို့ Google Authenticator အလုပ်လုပ်တာ စမ်းကြည့်ရအောင်ပါ။ အခု သုံးလက်စ browser မဟုတ်တဲ့ နောက်ထပ် browser တစ်ခုကို ဖွင့်ပြီး စမ်းကြည့်ရအောင်ပါ။ https://mail.google.com ကို ရိုက်ထည့်ပါ။ ပုံမှန်အတိုင်း Username နဲ့ Password တောင်းပါတယ်။ Sign In ကိုနှိပ်လိုက်ပါ။

15. ပုံမှန်အတိုင်းမဟုတ်ဘဲ လာပါပြီ။ 2-step verification ဆိုတဲ့ screen ပေါ်လာပါပြီ။ Enter code မှာ code နံပါတ်တွေ မှန်အောင် ရိုက်ထည့်မှသာ ကျွန်တော်တို့ရဲ့ Gmail ထဲကို ဝင်ရောက်နိုင်တော့မှာပါ။ အဲဒီ code ကို ဘယ်က ယူမလဲဆိုတော့ ခုနက ကျွန်တော်တို့ setup လုပ်ခဲ့တဲ့ ဖုန်းပေါ်က Google Authenticator ကိုဖွင့်ပါ။ အဲဒီမှာ အခုဝင်ရောက်တဲ့ Gmail လိပ်စာနဲ့ ကပ်ရပ်မှာ ပေါ်နေတဲ့ ဂဏန်းတွေကို Enter code မှာရိုက်ထည့်ပါ။ Verify ကို နှိပ်လိုက်ရင်တော့ Gmail ထဲကို ဝင်ရောက် သွားမှာပါ။အခုသုံးနေတဲ့ ကွန်ပျူတာ+browser မှာ ဒီကုဒ်ကို နောက်ထပ် ဝင်တိုင်း ဝင်တိုင်း ထပ်မရိုက်ချင်ရင်တော့ Trust this computer ကို အမှန်ခြစ် ခြစ်ပါ။ 

ဖုန်းပေါ်ရှိ Google Authenticator တွင် Verify code ထုတ်ပေးပုံ
ယင်း verify code သည် တစ်မီနစ်ကို တစ်မျိုးပြောင်းသည်။

______________________________________________________________________

ဖုန်းတစ်လုံးပေါ်မှာ Google Authenticator နဲ့ Verify Code ထုတ်ဖို့ အတွက် Gmail Account တစ်ခုထက်မက setup လုပ်ထားနိုင်ပါ။

iPhone ပေါ်က Google Authenticator မှာ
Google Account တွေ setup လုပ်ထားတာပါ။

အဆင်ပြေချောမွေ့ပါစေလို့ ဆုတောင်းပေးလိုက်ပါတယ်။

ချစ်ခင်စွာဖြင့်

မောင်လှ

ပြင်ဆင်မှု မှတ်တမ်း
- အဆင့် (၇) တွင် 

Gmail ကတော့ အခုလုပ်နေတာ ကိုယ်ပိုင် ကွန်ပျူတာ ဖြစ်မယ်ဆိုရင်တော့ Trust this computer ကို အမှန်ခြစ်ခိုင်းပါတယ်။ 

ထပ်ဖြည့်ထားသည်။ 21-Jan-2013 9:30AM

မန္တလေးသားထုတ်တဲ့ ကမ္ဘာကျော် smart phone နဲ့ ကျွန်တော်...

credit: http://www.htc.com/mm/smartphones/htc-butterfly/

HTC ရဲ့ CEO ဖြစ်သူ Peter Chou ခေါ် ဦးဝင်းသန်း ဟာ မန္တလေးမြို့မှာ မွေးဖွားခဲ့တဲ့ တရုတ်လူမျိုး တစ်ယောက်ဖြစ်ပြီး မန္တလေးမြို့ အ.ထ.က (၁၃) မှာ အထက်တန်း၊ ဒေသကောလိပ်၊ မန္တလေး တက္ကသိုလ်မှာ ရူပဗေဒ အဓိကဘာသာရပ်ဖြင့် ပညာသင်ယူဖူးကြောင်း 15-Jan-2013 ရက်နေ့က Sedona Hotel မှာ ပြုလုပ်ခဲ့တဲ့ Press Launch of HTC's first concept store and service center in Mandalay မိတ်ဆက်ပွဲမှာ ပြောကြားခဲ့ပါတယ်။ ယင်းအပြင် ကမ္ဘာပေါ်မှာ အကောင်းဆုံး၊ အဆင့်မြင့်ဆုံး မြန်မာ smart phone ကို မန္တလေးက လုပ်ခဲ့တာပါဆိုပြီး ယင်းမိတ်ဆက်ပွဲမှာ ပြောကြားခဲ့တဲ့ အတွက်  မန္တလေးသား ထုတ်တဲ့ ကမ္ဘာကျော် smart phone လို့ ကျွန်တော် သုံးလိုက်တာပါ။ ဦးသောင်းတင် (KMD)၊ ဦးသိန်းထွတ် (eVolver)၊ ဦးထွန်းမြင့် (စံမြန်မာစာ၊ မင်းကွန်ပျူတာ) တို့နဲ့ ကျောင်းနေဖက် သူငယ်ချင်းများ ဖြစ်တယ်လို့ ယင်းမိတ်ဆက်ပွဲမှာ ပြောကြားခဲ့ပါတယ်။

HTC CEO Peter Chou (ဦးဝင်းသန်း)နှင့် ဦးစိုးငွေရ (KMD) 

မြန်မာနိုင်ငံအတွက် ထုတ်လုပ်ထားတဲ့ HTC Butterfly, HTC One X+, HTC One, HTC Desire X, HTC Desire VC, HTC Desire C model ၆-မျိုးကို ၁၅-၁-၂၀၁၃ ရက်နေ့မှ စတင် ရောင်းချမှာ ဖြစ်ကြောင်း သိရပါတယ်။ HTC Desire VC က GSM နဲ့ CDMA800 လိုင်းကဒ် ၂-ကဒ် ထည့်သုံးနိုင်တဲ့ အမျိုးစားဖြစ်ပြီး ကျန်အမျိုးအစားများကတော့ GSM/WCDMA လိုင်းကဒ် ထည့်သုံးရတဲ့ အမျိုး အစားတွေ ဖြစ်ပါတယ်။ ယခုစတင်ရောင်းချတဲ့ HTC အမျိုးအစားများမှာ မြန်မာစာ font များနဲ့ လက်ကွက် တစ်ပါတည်းပါဝင်လာမှာ ဖြစ်ကြောင်းလည်း သိရပါတယ်။ စာရိုက်တဲ့ လက်ကွက်အနေမှာ စံမြန်မာ လက်ကွက်ဖြစ်ပြီး Zawgyi-One, Myanmar 3 နဲ့ စံမြန်မာစနစ် အသုံးပြုထားတဲ့ web site များကို ကြည့်ရှုနိုင်မယ်လို့ သိရပါတယ်။ ယခင်က ပြည်တွင်းကိုရောက်နေတဲ့ HTC android handset များကို မြန်မာစာစနစ်ပါဝင်တဲ့ ROM ကို အဆင့်မြှင့်တင်ပေးဖို့ လတ်တလော အစီအဉ် မရှိသေးကြောင်းလည်း သိခဲ့ရပါတယ်။  တရားဝင်ဖြန့်ချိခွင့်ရှိသူ KMD နဲ့ စံမြန်မာ လက်လီရောင်းချတဲ့ ဆိုင်များ အပါအဝင် HTC Concept Store များမှ ဝယ်ယူပါက Warranty ၁၈-လ ပေးတယ်လို့လည်း သိရပါတယ်။

ဒီပွဲမှာ HTC ရဲ့ တီဗီကြော်ငြာကိုလည်း ပြခဲ့ပါတယ်။ မြန်မာလူငယ် တစ်ယောက်ရေးထားတဲ့ Android မြန်မာ လက်ကွက် စနစ်နဲ့ စံမြန်မာ လက်ကွက်စနစ်ကို နှိုင်းယှဉ်ပြတဲ့ ပြကွက်ကို ဘဝင်မကျမိတာက လွဲလို့  HTC ရဲ့ TV ကြော်ငြာကို သဘောကျပါတယ်။ ဒီကြော်ငြာကြောင့် Peter Chou (ဦးဝင်းသန်း) ကို အတုယူလေးစားပြီး ကြိုးစားမယ့် လူငယ်တွေ ပေါ်ထွက်လာနိုင်ပါတယ်။

မြန်မာပြည်တွင်းကို ဖြန့်ချိရောင်းချမယ့် HTC smart phone နဲ့ ပတ်သက်တဲ့ အကြောင်းအရာတွေကို http://www.htc.com/mm/ မှာ မြန်မာဘာသာဖြင့် ဖတ်ရှုနိုင်ပါတယ်။ 

ဒီပွဲတက်ရောက်ဖို့အတွက် ဖိတ်စာပို့ပေးတဲ့ မမြတ်မွန်ကိုလည်း အထူးကျေးဇူးတင်ပါတယ်။ 

iPhone/Android ဖုန်းတွေမှာ Google Maps ကို ဘယ်လို လမ်းပြခိုင်းမလဲ...?

ကျတော်တို့ကိုင်နေတဲ့ iPhone/Android handset တွေမှာ Google Maps App ထည့်ထားတယ်၊ အင်တာနက်လည်း ရတယ်၊ GPS လုပ်ဆောင်ချက်လည်း လုပ်ပေးနိုင်တယ်ဆိုရင် ကျတော်တို့ သွားချင်တဲ့ လမ်းကြောင်းကို Google Maps ကို လမ်းညွှန်ခိုင်းလို့ ရပါတယ်... Google Maps မှ မဟုတ်ပါဘူး... Google Maps နဲ့ အလားတူတဲ့ GPS navigation app တွေမှာ လုပ်လို့ရပါတယ်... မြန်မာပြည်အတွက် အကောင်းဆုံး ကျတော်အကြိုက်ဆုံးကတော့ Google Maps ပါ... ကျတော်တို့ မရောက်ဖူးတဲ့မြို့ရောက်နေတယ် သွားချင်တဲ့နေရာကို Google Maps က လမ်းညွှန်ပေးမှာပါ... လက်ထဲမှာ iPhone ပဲ အဆင်သင့်ရှိနေလို့ သုံးနည်းကို iPhone က Google Maps App နဲ့ပဲ လမ်းညွှန်ပါရစေ... မသုံးဖူးတဲ့သူတွေ အတွက်ရည်ရွယ်ကြောင်း ကြိုတင် မေတ္တာရပ်ခံပါရစေ...

၁. လုပ်ရမယ့် အဆင့်ကတော့ GPS ဖွင့်ပါ... (iPhone မှာ Google Maps ကိုလည်း GPS အသုံးပြုခွင့်ပေးပါတယ်ဆိုတာ on ထားရပါမယ်...

၂. အင်တာနက်ဖွင့်ပါ... အင်တာနက်မရရင် လမ်းညွှန်ခိုင်းလို့ မရသေးပါ... E/3G/WiFi ကြိုက်တာ ဖြစ်လို့ရပါတယ်...

၃.  Google Maps app ကို ဖွင့်ပါ... ကြိုတင် install လုပ်ထားရန် လိုပါတယ်....

၎. Search box ထဲမှာ ကျတော်တို့ သွားလိုတဲ့ နေရာကို ထည့်ပါ... ပြည်တွင်းမှာတော့ နေရာ အကုန်မရှိနိုင်ပါ... မတွေ့ရင် နာမည်ပြောင်းရှာကြည့်ပါလို့ အကြံပြုပါရစေ...

၅.  ကျတော်ရှိနေတဲ့ နေရာကနေ ဝီဇိတာရုံ ဘုန်းကြီးကျောင်းကို သွားမှာမို့ Wizidaryon လို့ရိုက်ပြီးရှာပါတယ်... အောက်ကပ်ရပ်မှာ WiZiDarYone Monaster လို့ပေါ်လာပါတယ်... ကျတော် သွားမယ့် ဘုန်းကြီးကျောင်းဖြစ်လို့ ရွေးလိုက်ပါတယ်...

စိတ်ပါရင်တော့ Google Maps မှာ နေရာတွေ ဘယ်လို မှတ်လို့ရလဲ ထပ်ရေးပါ့မယ်...

၆.  အနီရောက် အမှတ်အသားနဲ့ တည်နေရာကို ပြပေးပါတယ်... အခုရှိတဲ့နေရာနဲ့ ဝိဇိတာရုံဘုန်းကြီးကျောင်းကို ဘယ်လမ်းက သွားလို့ရမလဲ လမ်းညွှန်ခိုင်းချင်တယ်ဆိုရင် အောက်ဆုံး ညာဘက်ထောင့်က ကားပုံလေးပေါ်ကို နှိပ်ပါ...

၇.  taxi/ကိုယ်ပိုင်ကား/သူငယ်ချင်းကား/ချစ်သူကား လိုမျိုးကားနဲ့သွားမှာဆို အိမ်စီးကားပုံလေးကို နှိပ်ပါ... ဆိုင်ကယ်နဲ့သွားမှာဆိုလည်း အိမ်စီးကားပုံလေးကိုပဲ နှိပ်ပါ... အိမ်စီးကားပုံရဲ့ ညာဘက် တစ်ခုကျော်မှာရှိတဲ့ လမ်းလျှောက်သွားမှာဆိုရင်တော့ လူလမ်းလျှောက်နေတဲ့ပုံကို နှိပ်ပါ... အလယ်က ကားကြီးပုံလိုလို/ရထားပုံလိုလိုက bus ကားလိုင်း၊ မီးရထားလိုင်းတွေကို ပြောတာပါ... ပြည်တွင်းမှာတော့ အလုပ်လုပ်မယ်လို့ မထင်ပါ... 

ကျတော်က taxi ကားနဲ့ သွားမှာဖြစ်လို့ ကားပုံအသေးကို နှိပ်လိုက်တော့ Route options အောက်မှာ လမ်းကြောင်း ၃-ခု လာပြတယ်... Google Maps က ကျတော် အခုရှိတဲ့နေရာနဲ့ ဘုန်းကြီးကျောင်း သွားလို့ရတဲ့ အဲဒီလမ်း ၃-ခုပဲ သိရှာတယ်... 

 ၈.  ကျတော် အပေါ်ဆုံးက 6 minutes ကြာမယ့် လမ်းကို နှိပ်လိုက်တော့ ဒီလိုလာပြတယ်... ကျတော်တို့ သွားရမယ့်လမ်းက အပြာရောင်နဲ့ပြထားတဲ့ လမ်းပေါ့... အင်တာနက်ကို ဒီအချိန်မှာ ပိတ်မယ်ဆို ပိတ်လို့ရပါပြီ... GPS တွေ့ ဆက်ဖွင့်ထားပါ... 

လမ်းကြောင်းကို ကြည့်ရအောင်ပါ... ၈၂-လမ်းက နေ မြောက်ဘက်သွားတယ်... (အလိုလေး ဘုရားရေ... တစ်လမ်းမောင်းကို ပြောင်းပြန်ပြန်ထွက်တယ်...) ၂၇-လမ်းရောက်တော့ အရှေ့တက်(ညာချိုး)တယ်... လမ်း ၈၀ ရောက်တော့ မြောက်(ဘယ်)ကွေ့တယ်... ၂၆-လမ်းရောက်တော့ အရှေ့ (ညာ)ကွေ့တယ်... ၆၈-လမ်းရောက်တော့ တောင် (ညာ)ကွေ့တယ်.. ၃၁-လမ်းကျော်တော့ တွေ့ပါပြီ ဘုန်းကြီးကျောင်း... 

ကျတော် မရွေးဖြစ်တဲ့ ကျန်တဲ့လမ်းကြောင်း ၂-ခုကိုလည်း ခဲရောင်နဲ့ပြထားပါတယ်...

My labels: how to use Google Maps, iPhone, iOS, Android, GPS, Navigation

၂၀၁၂ ခုနှစ် နိုဝင်ဘာလထုတ် သဘာဝ မြန်မာ ဓာတ်ပုံ မဂ္ဂဇင်း ထွက်ပြီ

မြန်မာနဲ့ ဒေါင်းဟာ ခွဲခြားမရတော့ဘဲ ပရိယာယ်တူတမျှ ဂုဏ်ရည်တူအထိမ်းအမှတ်မျိုး ဖြစ်လာနေတော့ … ဒုတိယခြေလှမ်း “သဘာဝ” ရဲ့ …. “ဒေါင်း” တွေ မရှိတော့ရင် “တော” လည်းပြုန်းပြီလို့ ပြောရမှာ ဖြစ်တဲ့အကြောင်း နိုဝင်ဘာလထုတ် “သဘာဝ မြန်မာ ဓာတ်ပုံမဂ္ဂဇင်း” ထွက်ပါပြီ…။ 
(အထက်မြန်မာပြည်ဖြန့်ချိရေး)
လူထုကြီးပွားရေးစာအုပ်တိုက်၊ 
၈၄ လမ်း၊ ၃၃ x ၃၄ ကြား၊ မန္တလေးမြို့၊ ဖုန်း ၀၂-၃၉၇၁၇၊ ၆၀၁၃၆ 

(အောက်မြန်မာပြည်ဖြန့်ချိရေး)
အမှတ် (၁၁၀၄)၊ အိုလံပစ်တာဝါ၊ (၁၁)လွှာ၊ မဟာဗန္ဓုလလမ်းနှင့် ဗိုလ်အောင်ကျော်လမ်းထောင့်၊ ရန်ကုန်မြို့။ ဖုန်း ၀၁-၃၉၂၉၃၉၊ ၀၉-၄၉၁၀၂၈၇၅

 

သဘာဝ မြန်မာ ဓာတ်ပုံမဂ္ဂဇင်း ထွက်ပြီ

ကျတော်တို့ လုပ်နေတဲ့ သဘာဝ မြန်မာ ဓာတ်ပုံမဂ္ဂဇင်း The Nature Myanmar Photo Magazine ကို စက်တင်ဘာ (၂၅)ရက် အင်္ဂါနေ့တွင် အောက်တိုဘာလထုတ်အဖြစ် တစ်ပြည်လုံးသို့ လစဉ်ပုံမှန် ဖြန့်ချိတော့မည်ဖြစ်သည်။ 

အထက်မြန်မာပြည်ဖြန့်ချိရေး 
လူထုကြီးပွားရေးစာအုပ်တိုက်၊ 
၈၄ လမ်း၊ ၃၃ x ၃၄ ကြား၊ မန္တလေးမြို့။ 
ဖုန်း ၀၂-၃၉၇၁၇၊ ၆၀၁၃၆

 အောက်မြန်မာပြည်ဖြန့်ချိရေး
 အမှတ် (၁၁၀၄)၊ အိုလံပစ်တာဝါ၊ (၁၁)လွှာ၊ 
မဟာဗန္ဓုလလမ်းနှင့် ဗိုလ်အောင်ကျော်လမ်းထောင့်၊ 
ရန်ကုန်မြို့။ 
ဖုန်း ၀၁-၃၉၂၉၃၉၊ ၀၉-၄၉၁၀၂၈၇၅