gallery.MgHla.net -ေ မာ င် လှ ရဲ့  ဓာ တ် ပုံ ပြ ခ န်း

ကျွန်တော် ဖန်တီးခဲ့သော / ဖန်တီးလျှက်ရှိသော / ဆက်လက် ဖန်တီးမည့် ဓာတ်ပုံ၊ ရုပ်ပုံ၊ လှုပ်ရှားမှု ပုံများ၊ စာသား စသည့် ဖန်တီးမှုများ အားလုံးအား a Creative Commons Attribution-NonCommercial-NoDerivs 3.0 Unported License. လိုင်စင် ရယူထားပါကြောင်း အသိပေးအပ်ပါသည်။
http://creativecommons.org/licenses/by-nc-nd/3.0/


Monday, May 26, 2008

USB Storage Device တွေ အသုံးပြုခွင့်ကို ပိတ်ရအောင်

ကျတော့်ရုံးမှာ ကွန်ပျူတာ တော်တော်များများကို security အရနဲ့ virus တွေ ဝင်မှာ စိုးတဲ့အတွက် USB Storage device တွေဖြစ်တဲ့ memory stick, MP3/MP4 Player, Digital Camera, USB portable harddisk တွေကို အသုံးပြုခွင့် ပိတ်ထားတယ်... ကျတော့် ရုံးမှာတော့ CMOS ထဲကနေ USB ကို disable လုပ်ထားတဲ့အပြင် USB port တွေကိုပါ physical အရပါ ပိတ်ထားရတယ်... အခုတော့ Windows XP မှာ USB storage device တွေကိုပဲ အသုံးပြုခွင့် ပိတ်ချင်တယ် ဆိုရင် ဘယ်လို ပိတ်ရမလဲ ဆိုတဲ့ နည်းကို google ကျေးဇူးနဲ့ ရှာတွေ့ပြီ...

အခုရေးမယ့် အဆင့်တွေကတော့ USB storage device တစ်ခုခု အနည်းဆုံး ၁-ခါ တစ်ခါ တပ်ဆင် အသုံးပြုဖူးတဲ့ Windows XP သုံး ကွန်ပျူတာတွေ အတွက်ပါ... မိမိ အသုံးပြုနေတဲ့ user account ဟာ administrator အဆင့်တော့ ရှိစရာလိုပါတယ်...

1. ပထမအဆင့်အနေနဲ့ Start ကို click လုပ်ပြီး Run ကို ရွေးပါ... (Windows Key + R ကို နှိပ်ရင်လည်း ရပါတယ်...)
2. ပေါ်လာတဲ့ Open ရဲ့ဘေးမှာ ရှိတဲ့ text box ထဲမှာ regedit လို့ရိုက်ထည့်ပြီး OK ကို ကလစ်လုပ်ပါ...
Registry Editor ပေါ်လာပြီဆိုရင်...
3. HKEY_LOCAL_MACHINE » SYSTEM » CurrentControlSet » Services » UsbStor
4. ညာဘက် pane ထဲက Start ကို double click ခေါက်ပါ...
5. Value Data အောက်ကပ်ရပ်မှာ ရှိတဲ့ text box ထဲမှာ 4 လို့ ပြင်ရိုက်ထည့်ပါ... Hexadecimal ကို မရွေးထားရင် ရွေးပေးပါ... ပြီးရင် OK ကိုနှိပ်ပါ...
(USB Storage device တွေ အသုံးပြုခွင့် ပြန်ပေးချင်တယ် ဆိုရင်တော့ 3 လို့ရိုက်ထည့် ပေးရမှာပါ...)
6. Registy Editor ထဲမှ ထွက်ပါ...


USB Storage device တွေကို အသုံးပြုလို့ ရတော့မှာ မဟုတ်ပါဘူး... ဒါပေမယ့် ကျန်တဲ့ USB device တွေဖြစ်တဲ့ printer, keyboard, mouse တွေတော့ ဆက်လက် အသုံးပြုနိုင်ကြောင်း စမ်းသပ် တွေ့ရှိခဲ့ပါသည်... အပေါ်ကအဆင့်တွေဟာ Registry ကို ပြင်ရတာဖြစ်တဲ့ အတွက် အန္တရာယ်ရှိပါတယ်... မပြင်ခင်မှာ Registry ကို backup ကြိုလုပ်ထားပါ... အပေါ်ကအဆင့်တွေ ရှုပ်လို့ မပြင်ချင်ဘူးဆိုရင် USB Storage Device တွေ မသုံးစေချင်ရင် ဒီဖိုင် ကို download လုပ်ပြီး run ပါ... ပိတ်ထားတဲ့ USB Storage Device တွေ ပြန်သုံးချင်တယ် ဆိုရင်တော့ ဒီဖိုင် ကို download လုပ်ပြီး run ပါ...

အခုပြောခဲ့တဲ့ လုပ်ဆောင်ချက်တွေဟာ • Microsoft Windows XP Home Edition • Microsoft Windows XP Professional • Microsoft Windows 2000 Advanced Server • Microsoft Windows 2000 Professional Edition • Microsoft Windows 2000 Server • Microsoft Windows Server 2003, Enterprise Edition (32-bit x86) • Microsoft Windows Server 2003, Standard Edition (32-bit x86) တွေမှာ အသုံးပြုနိုင်ကြောင်းပါ...

Microsoft web site ရဲ့ဒီ web page ထဲက If a USB Storage Device Is Already Installed on the Computer ခေါင်းစဉ်ကို စမ်းသပ်ပြီး ပြန်ရေးထားခြင်းဖြစ်ပါတယ်...

My labels: How to disable the use of USB storage devices, Tech

Wednesday, May 21, 2008

ဒီနေ့မနက်...

ဒီနေ့မနက် ၄-နာရီလောက်ကစပြီး မန္တလေးမှာ မိုးသည်းထန်စွာရွာသွန်းပါတယ်... လေမတိုက်တာကိုပဲ ကျေးဇူးတင်ရပါမယ်... ရေတော့ တော်တော်များပါတယ်... ၇း၃၀-နာရီလောက်မှာ မိုးစဲသွားပါတယ်... သို့သော်လည်း မန္တလေးရှိ လမ်းမများမှာ ရေများတင်ကျန်ခဲ့ပြီး ယင်းရေများကြောင့် ကားတွေ ဆိုင်ကယ်တွေ ထိုးရပ်ကုန်ပြီး ပြင်နေတာ တွေ့ရကြောင်းပါ...

My labels: Mandalay Myanmar Burma Burmese News

Saturday, May 17, 2008

မန္တလေးသား နဲ့ ပန်းမုန်တိုင်း (Nargis)

မန္တလေးသား နဲ့ ပန်းမုန်တိုင်း (Nargis)

2-May-2008
အဲဒီနေ့က ကျတော့် လုပ်ဖော် ကိုင်ဖက် တစ်ယောက်ရဲ့ မင်္ဂလာဆောင် ဓာတ်ပုံရိုက်ပေးမယ်လို့ ပြောထားတယ်... မနက်ကတည်းက စပြီး မိုးတွေ တဖွဲဖွဲရွာနေတယ်... မိုးလွှဲဖို့တောင် သတို့သားကို ပြောဖြစ်သေးတယ်... သတို့သားက ရန်ကုန်ကလူတွေ ဒီမိုးလောက် အပျော့ဆိုတာနဲ့ မိုးမလွှဲဖြစ်ခဲ့ဘူး... မုန်တိုင်း ဝင်မယ်ဆိုတာတောင် မသိခဲ့တဲ့ ကျတော်တို့ ဘဝ... ကျတော် ဧပြီ ၂၈-ရက် ရန်ကုန် ရောက်ကတည်းက ရုံးက အိုင်ပီစတားက ပျက်သလိုလိုနဲ့ အင်တာနက် သုံးလို့မရဘူး... အဲဒီတော့ မုန်းတိုင်း ဝင်မယ်ဆိုတဲ့ သတင်းကို ကျတော်တို့ မသိခဲ့ဘူး...
မင်္ဂလာဆောင်က ညနေ ၃-နာရီ တဖြည်းဖြည်းနဲု့မိုးတွေ ပိုများလာတယ်... ညနေ ၅-နာရီလောက်မှာ မိုးစဲလာတယ်... မင်္ဂလာဆောင်ပြီးတော့ ရုံးက အဆောင်ပြန်တယ်... မိုးတွေ ရွာလာပြန်တာနဲ့ လှိုင်သာယာထဲက စားသောက်ဆိုင်တစ်ခုမှာပဲ bachelor night အတွက် ကျွေးတယ်... ည ၁၀-နာရီလောက်မှာ မိုးက တော်တော်သည်းနေပြီ... ကျတော်ကတော့ ရန်ကုန်မှာ ဒီလိုပဲ မိုးရွာတတ်တယ် ထင်နေတယ်... ဆိုင်ကလည်း သိမ်းနေတာမို့ ထပြန်ခဲ့တယ်... အဆောင်မှာ မအိပ်ချင်တာနဲ့ သူငယ်ချင်း ၂-ယောက် Suzuki Pickup ကားလေးနဲ့ လှိုင်သာယာ တစ်ဖက်ကမ်းက ကျတော် တည်းနေတဲ့ ဟိုတယ်ကို လိုက်ပို့ပေးမယ်... ကင်မရာ ရေစိုမှာစိုးတာနဲ့ သတို့သားဆီ အပ်ထားခဲ့တယ်... သောက်ထားစားထားတော့ လူကလည်း မူးနေပြီပေါ့... သည်းလိုက်တဲ့ မိုးတွေ... ဒီလိုနဲ့ပဲ ဟိုတယ်ကို ရောက်သွားတယ်...

3-May-2008
မနက် ၅-နာရီ မနေ့ညက သောက်ထားတဲ့ အရှိန်ကြောင့် လူလည်း ခေါင်းတွေကိုက်နေတယ်... တဝုန်း ဝုန်း... တဒိုင်း ဒိုင်းနဲ့ ဘာတွေ ဖြစ်နေတာလည်း မသိဘူးပေါ့... ၅း၃၀ နာရီမှာ ဆက် အိပ်လို့ မဖြစ်လို့ ထကြည့်တော့ ဟိုတယ်ဘေး ၅-ပေခန့် ကျယ်တဲ့ ရေမြောင်းက ရေပြင် အကျယ်ကြီးဖြစ်နေပြီ... သစ်ပင်တွေလည်း လဲနေပြီ... ဟိုတယ် အပေါ်ဆုံးက ဘေးနံရံမပါဘဲ သံတိုင်၊ သံကိုင်းနဲ့လုပ်ထားတဲ့ အမိုး လေအရှိန်ကြောင့် မြောင်းထဲ ကျနေတာ တွေ့ရတယ်... အဲဒီ သံပြားက ဟိုတယ် ခြံဝင်းကို ကာထားတဲ့ သံပြားကို ရိုက်ပြီး ထွက်လာတဲ့ အသံတွေကြောင့် ကျတော် အိပ်လို့ မရဖြစ်နေတာပဲ... စိုးရိမ်စိတ် များစွာနဲ့ အောက်ထပ်ကို ဆင်းကြည့်တယ်... အင်တာနက်သုံးဖို့ မေးကြည့်တော့ ဖုန်းလိုင်းတွေ ပြတ်သွားပြီ၊ ညက ရေတွေ တော်တော်လေး တက်လာလို့ အင်တာနက် သုံးမယ့် ကွန်ပျူတာတွေကိုလည်း သိမ်းထားလိုက်ပြီ ဆိုလို့ အင်တာနက် မကြည့်ရဘဲ... Nargis မှန်းမသိတဲ့ မုန်တိုင်းကို ငေးကြည့်နေမိတယ်... ဟော... သွပ်ပြားပျံတွေ၊ billboard ပျံ အပိုင်းအစတွေ မျက်စိနဲ့ မြင်ခဲ့ရတယ်...
၆း၃၀ နာရီလောက်နေတော့ မနက်စာ စားလို့ ရပြီဆိုတာနဲ့ မနက်စာ စားတယ်... သတင်းကြည့်မယ် ဆိုပြီး အခန်းထဲ ပြန်သွားတော့ တီဗီလိုင်းတွေ မရတော့... စလောင်းတွေ အကုန် nargis ယူသွားပြီတဲ့... ရုံးကလူတွေ ဖုန်းဆက်တော့ ဖုန်းလိုင်း မမိတော့... မန္တလေးကို ဖုန်းဆက်တော့လည်း မရ... ရများရမလားလို့ ကြိုးစားကြည့်တာ ဖုန်း ဘက်ထရီ ကုန်သွားတာပဲ အဖတ်တင်တယ်... မရဘူး... ဖုန်းအားသွင်းတဲ့ charger ကလည်း အဆောင်မှာထားခဲ့တဲ့ အိတ်ထဲမှာ ကျန်ခဲ့တယ်... ဘက်ထရီ လက်ကျန် နည်းနည်းထားပြီး ဖုန်းကို မသုံးပဲ ပိတ်ထားလိုက်တယ်... အပေါ်တက်လိုက် အောက်ဆင်းလိုက် ဟိုကြည့် ဒီကြည့် နေ့လယ်စာ စားချိန် ရောက်တော့ အပြင်လည်း ထွက်လို့မရတာနဲ့ နေ့လယ်စာ စားပြီးတော့ အိပ်လိုက်တယ်...
နေ့လယ် ၂း၁၅-နာရီလောက်မှာ နိုးတယ်... အပြင်ကိုကြည့်တော့ မိုးငြိမ်နေပြီ... အပြင်ထွက် သင့်၊ မထွက်သင့်စဉ်းစားတယ်... ရုံးကလူတွေ မဆက်သွယ်လာတာနဲ့ အပြင်ထွက်ပြီး ရုံးကို သွားကြည့်မယ်လို့ ဆုံးဖြတ်လိုက်တယ်... အဝတ်အစားလဲပြီး ထီးတစ်ချောင်းယူပြီး တည်ခိုးရာနေရာကနေထွက်လိုက်တယ်... လမ်းမပေါ်မှာ ရေတွေချည်းပဲ... လမ်းထိပ်မှာ သာသနာ့အလံထောင် ရေသန့်ဘူးကြီး စားပွဲပေါ်တင်ပြီး အရက်သောက်တဲ့လူတွေ သောင်းကျန်းနေကြတယ်... ဘုရင့်နောင် မီးပွိုင့်ကို ရောက်ဖို့ ဒူးအထက်ကျော်တဲ့ ရေတွေထဲကနေ လမ်းလျှောက်ရတယ်... ဘုရင့်နောင် မီးပွိုင့်မှာရှိတဲ့ billboard ကြီးတွေ ကျိုးပဲနေပြီ... အကောင်းပတိဆိုလို့ ၃-ခုပဲ ကျန်တော့တယ်... လိုင်းကားလာမလား၊ taxi လာမလားဆိုပြီး မီးပွိုင့်မှာ ရပ်စောင့်နေတယ်... လိုင်းကား မလာဘူး... လာတဲ့ taxi တွေကလည်း နောက်ခန်းအထိ လူတွေအပြည့်... ဘုရင့်နောင် တံတားဘက်ကားတွေ ခဏနေ ပြန်ပြန်လှည့်လာကြတယ်... ဒါဆိုရင် ဘုရင်နောင် တံတား လမ်းပိတ်နေပြီတယ်...
တံတားမကျိုးရင်တော့ တံတားဟိုဘက် ရောက်အောင် သွားနိုင်ရင် taxi ရှိနိုင်မယ်ဆိုပြီး လမ်းလျှောက်သွားလိုက်တယ်... လမ်းမှာ လဲနေတဲ့ သစ်ပင်တွေ သစ်ပင် တောကြီးမျက်မဲထဲ လမ်းလျှောက်နေရတဲ့ အတိုင်းပါပဲ... လှိုင်သာယာဘက် အခြမ်းရောက်တော့ မီးသတ်နဲ့ ကြက်ခြေနီတွေ လဲနေတဲ့ အပင်တွေ ရှင်းနေတာ တွေ့တယ်... ဘေးနားကပ်ရပ်မှာ ရှိတဲ့ အဖွဲ့အစည်းက လူတွေ ထွက်ရှင်းတာမတွေ့... FMI ထိပ်ရောက်တဲ့ အထိ ဘာကားမှ မတွေ့၊ ဆိုက္ကားလည်း မတွေ့... ဒါနဲ့ပဲ လမ်းထပ်လျှောက်တာ နဝဒေး မှတ်တိုင် မရောက်ခင် တစ်မှတ်တိုင်အလိုမှာ BaganNET Forum မှာကတည်းက သိလာတဲ့ အကိုကြီးကားနဲ့တွေ့လို့ ခြေမညောင်းတော့ဘဲ ရုံးက အဆောင်ကို ရောက်တော့တယ်... လမ်းမှာ သူ့အသိ အိမ်ကို ဝင်တယ်... ရေတွေက ပေါင်လယ် လောက်ရှိတယ်... အမိုးတွေလန်၊ တဲတွေပြိုတွေ့ခဲ့ရတယ်... မနက်ကတည်းက ညနေ ၃း၃၀နာရီ အထိ ဘာမှမစားရသေးဘဲ ငုတ်တုတ် ထိုင်နေရတယ် ဆိုတဲ့ အသံတွေ ကြားရတယ်...
အဆောင်ရောက်တော့ အဆောင်ခေါင်မိုး သွပ် ၄-ချပ်လောက်ပဲလှန်တယ်... ရုံးရှေ့က တဲတွေ ပြိုကျတယ်... ဆောက်လက်စ ကန်ထရိုက်တိုက်လည်း အမိုးတွေ လန်တယ်... ရုံးက အမိုးမလန်ပဲ လေဝင်ပေါက်က ရေတွေဝင်လို့ ဆာဗာခန်း မျက်နှာကျက်တွေ ပြိုကျတယ်... ဆာဗာကွန်ပျူတာလည်း ရေတွေစိုတယ်... ဆာဗာကွန်ပျူတာကို အခြောက်ခံ၊ Hair Dryer နဲ့မှုတ်တာ ပြန်သုံးလို့ရတယ်... ရုံးက လူတွေ ဘာမှ မဖြစ်တာ တွေ့မှ စိတ်ပူတာတွေ လျော့သွားတယ်... အဆောင်မှာလည်း စားစရာနဲ့ ရေမရှိလို့ တည်းတဲ့ ဟိုတယ်ကို ပြန်ဖို့စိတ်ကူးတယ်...
....

ရေးရင်းနဲ့ ပျင်းလာတယ် ဆက်ရေးချင်စိတ်မရှိတော့ဘူး... စိတ်ပါရင်တော့ ဆက်ရေးပါ့မယ်...

Myanmar Cyclone 2008 မှာ တင်ထားတဲ့ ဓာတ်ပုံတွေ မမြင်ရဘူး ဆိုရင်ဒီနေရာမှာ ကြည့်နိုင်ပါတယ်...

My labels: Nargis, Nagis, Myanmar Cyclone, Mg Hla, မောင်လှ နာဂစ် မုန်တိုင်း မြန်မာ ဗမာ , Mandalay Myanmar Burma Burmese News

Sunday, May 11, 2008

ရန်ကုန်သား တစ်ယောက်ရဲ့ ကိုယ်တွေ့ နာဂစ် (Myanmar Cyclone)

အောက်ဖော်ပြပါ အကြောင်းအရာများကို NativeMyanmar တွင် ကိုမင်းအို ရေးသားခဲ့ခြင်း ဖြစ်ပြီး ကိုမင်းအိုထံ ဖုန်းဖြင့် ခွင့်တောင်းကာ ပြန်လည် ဝေမျှခြင်း ဖြစ်ပါသည်.... ယခုလို ကျတော့် ဘလော့မှာ အသုံးပြုခွင့်ပေးတဲ့အတွက် ကိုမင်းအိုကို ကျေးဇူးအထူး တင်ရှိကြောင်းပါ...

သောကြာနေ့
မုန်တိုင်းက လမ်းကြောင်းပြောင်းသွားပြီ...။ ဧရာဝတီတိုင်းကနေ ရန်ကုန်တိုင်းထဲကို ဖြတ်မတဲ့...။ အိမ်ကို ဖုန်းဆက်တယ်...။ ရိက္ခာနှစ်ရက်စာလောက် ၀ယ်ထားကွယ်ပေါ့...။ လေသံပျော့လေးနဲ့...။ စိတ်ထဲ သိပ်တော့မပူ...။ အင်တာနက်ကတော့ ပြင်းထန်သော မုန်တိုင်းကြီးဆိုလို့ သတိပေးစာလေးဘာလေးတော့ ရေးဖြစ်တယ်...။ လေတွေတိုက်မယ်ပေါ့...။ မိုးတွေရွာမယ်ပေါ့...။

သောကြာည
ညနေကတည်းက မိုးကခပ်ဖွဲဖွဲစရွာတယ်...။ ညမိုးချုပ်တော့ မိုးသိပ်မရွာ...။ ဒီမုန်တိုင်းက ဘယ်လိုလဲပေါ့...။ အိမ်မှာတော့ ဟိုအကြောင်း ဒီအကြောင်းပြောကြရင်း စကားဝိုင်းဖွဲ့နေလိုက်ကြတယ်...။ လေက အသံနည်းနည်းပါလာတယ်...။ လေချွန်သလိုလိုေ>မတွန်သလိုလို အသံတွေ ကြားလာရတယ်...။ ပြတင်းကကြည့်တော့ သစ်ပင်တွေ ယိမ်းနွဲ့လို့...။


ည ၁၂နာရီကျော်တော့ လေသံက သိသိသာသာ ပြင်းလာတယ်...။ အုန်းပင်တွေက အုန်းလက်တွေက လေတိုက်လို့ လန်ထွက်သွားတဲ့ ထီးကိုင်းတွေလို ဖြစ်နေတယ်...။ မိုးက ရေမပါလှဘူး...။ လေကပဲ ပိုပိုတိုက်လာတယ်...။

စနေနေ့ကို ကူးသွားပြီ...။
အနောက်ကနေ အရှေ့ကို တိုက်တယ်...။ ဆက်တိုက် တိုက်တယ်...။ ဘယ်လိုပြောရမလဲ ဖားဖိုနဲ့ မှုတ်နေသလိုပဲ...။ လေလုံးက တစ်လုံးပြီး တစ်လုံး အလုံးလိုက် ဆက်လာတယ်...။

မနက် ၃နာရီကျော်ပြီ...။ သစ်ပင်တွေ လမ်းမှာ လဲစပြုပြီ...။ ဓါတ်တိုင်တွေ လဲကုန်တာ မြင်နေရပြီ...။ အပေါ် ခြောက်လွှာက ဂျေအယ် (သခင်ကြီး)ရဲ့ အခန်းကို တက်ကြည့်ဖြစ်တယ်...။ သူ့အခန်းက ပြတင်းတစ်ချပ် ပွင့်ထွက်သွားပြီ...။ အိမ်မကြီးတံခါးနှစ်ချပ်လည်း လေက တိုးဖွင့်သွားလို့ သော့ခတ်ထားပေမယ့် အိမ်က ပွင့်လို့...။ အပေါ်က ကြည့်ရတော့ လေက ကြောက်စရာ ပိုကောင်းတာ မြင်နေရတယ်...။

မနက် ၅နာရီ...။ ဘေးကပ်လျက်အိမ်က အမိုးတစ်ခုလုံး လေထဲပါသွားတယ်...။ ရန်ကင်းဈေးက အမိုးကြီး ပွင့်ထွက်သွားပြီ...။ ဘယ်ကမှန်းမသိတဲ့ သွပ်ပြားတွေက လေထဲမှာ ပျံဝဲလို့...။

လူတချို့ကို လေထဲမှာ သွားနေတာမြင်ရတယ်...။ တစ်ခုခု စိတ်ပူစရာ ရှိတဲ့လူတွေ ဖြစ်မှာပေါ့...။ တချို့ကျတော့လည်း အဲဒီလိုမဟုတ်ဘူး...။ လွင့်လာတဲ့ သွပ်ပြားတွေကို လိုက်ကောက်နေတယ်...။ ကိုယ့်အိမ်ကလည်း မဟုတ်ဘူး...။ စားဝတ်နေရေးအတွက် ဒီလောက်တောင် သက်စွန့်ဆံဖြားလုပ်ဖို့လိုအပ်ပါသလားလို့ ကျွန်တော် မေးခွန်းထုတ်နေမိတယ်...။

မနက် ၆နာရီကျော်...။ အိမ်က သိမ့်ခနဲ သိမ့်ခနဲ လေကြောင့် လှုပ်သွားတာကို ခံစားနေရတယ်...။ ခြောက်ထပ်တိုက်ကြီးက အဲဒီလိုဖြစ်တော့ အိမ်ကလူတွေ သွေးပျက်ကုန်ကြပြီ...။ တစ်အိမ်လုံး တစ်ညလုံးလည်း မအိပ်ဘဲ ငုတ်တုပ်ထိုင်နေကြရတာလေ...။

မနက် ၈နာရီကျော်...။ မိုးရွာလာတယ်...။ လေက ပိုပြင်းလာတယ်...။ မြောက်ကနေ တောင်ကို လေလမ်းကြောင်းက ပြောင်းပြောင်းပြီး တိုက်တယ်...။ အနားက သစ်ပင်တွေ တစ်ပင်မှ မရှိတော့...။
မနက် ၉နာရီခွဲ...။ ကျွန်တော် အိမ်ထဲမှာ မနေနိုင်တော့...။ လေနဲ့ မိုးက ကျနေတုန်း...။ ရန်ကင်းက တိုက်ခန်းကို သွားကြည့်ဖြစ်တယ်...။ အရေးထဲ အိမ်မှာ မိုးကာမရှိဘူး...။ ဓါးမ မရှိဘူး...။ သံခမောက်တစ်လုံးဆောင်းပြီး မိုးထဲမှာ ထီးတစ်ချောင်းကို မဖွင့်ဘဲ လက်ကကိုင်လို့...။ ရှမ်းတိုက်ပုံဝတ်လို့ လူတစ်ယောက် လေထဲမိုးထဲ လမ်းလျှောက်နေတာများ တွေ့ခဲ့ရင် အဲဒါ ကျွန်တော်ပေါ့...။

အခန်းရောက်တော့၊ လေးလွှာကို တက်လိုက်တယ်...။ အပေါ်ဆုံးထပ်ဖြစ်လို့ အမိုးတွေ မရှိတော့...။ မျက်နှာကျက်တွေက ပြိုကျ...။ ရေတွေက နံရံတွေနဲ့ မျက်နှာကျက်တွေက ကြမ်းပေါ်စီးကျလို့...။ ဘာတတ်နိုင်မှာလဲ...။ ဘာလုပ်နိုင်တော့မှာလဲ...။ ကြည့်ရုံအပြင် ဘာမှ မတတ်နိုင်တော့...။ စာအုပ်စင်ကြီးကိုတော့ သံယောဇဉ်မကုန်သေးလို့ တစ်ချက်လှမ်းကြည့်လိုက်တယ်...။ ပြီးတော့ ကျွန်တော် အခန်းကနေ ပြန်ဆင်းလာခဲ့တယ်...။
နေ့လည် ၁၂နာရီလောက်မှာ မုန်တိုင်းက ရပ်သွားတယ်...။
မမေ့နိုင်သော စနေနေ့ပေါ့...။


စနေညနေ...
လမ်းပေါ်မှာ သစ်ပင်တွေ၊ ဓါတ်တိုင်တွေ၊ ဆိုင်းဘုတ်တွေ၊ လူတွေ...။ သစ်ပင်တွေ အမြစ်ကနေကို ကျွတ်ထွက်လို့... ဓါတ်တိုင်တွေက သုံးပိုင်းစီကျိုးကြေလို့၊ ဆိုင်းဘုတ်တွေက တွန့်လိမ်ကောက်ကွေး၊ ဘီးလ်ဘုတ်ကြီးတွေက ထက်ပိုင်းကျိုးတာကကျိုး၊ တုံးလုံးလဲတာကလဲလို့...။ လူတွေကတော့ လက်ထဲမှာ ရသမျှ ရိက္ခာလိုက်ဝယ်လို့... ကျွတ်ကျွတ်အိတ်ကိုယ်စီနဲ့...။ ငိုနေတဲ့လူမရှိ...။ ညည်းတွားနေတဲ့လူမရှိ...။ ကြောက်ရွံ့နေတဲ့လူမရှိ...။ ဗမာတွေ...။ သိပ်မာတဲ့ ဗမာတွေ...။ ထုသားပေသားကျနေတဲ့ ဗမာတွေ...။
ဘယ်သူကမှ ဘယ်သူ့ကို မသနားနိုင်...။ ဘယ်သူကမှ ဘယ်သူ့အတွက် သူရဲကောင်းမလုပ်နိုင်...။ အားလုံး ဒုက္ခသည်...။ အနည်းနဲ့အများပဲ ကွာတယ်...။ လူတိုင်း ဆုံးရှုံးကြတယ်...။ လူတိုင်း ထိခိုက်ကြတယ်...။
အိမ်နီးဝန်းကျင်ကို ကျွန်တော်လိုက်ကြည့်မိတယ်...။ ရန်ကင်းချမ်းမြေ့အောင်နားက မီးပွိုင့်ကြီးက လမ်းကို ကန့်လန့်ဖြတ်လို့...။ ဘေးက မဟာဓါတ်အားလိုင်းတိုင်ကြီးနဲ့ ကြိုးတုတ်တုတ်ကြီးတွေကလည်း လမ်းကို တားလို့...။ ဖြတ်သွားဖြတ်လာတွေက အဲဒီကြိုးကြီးတွေကို တစ်ကြိုးကျော် တစ်ကြိုးအောက်က ခေါင်းငုံ့လို့ သွားရတယ်...။ သစ်ပင်ကြီးတွေက လမ်းကို ပိတ်ထားပြန်တယ်...။ ရေက ပေါင်လောက်တက်နေတယ်...။
ရန်ကင်းစင်တာက ဆိုင်းဘုတ်တစ်ခြမ်းမရှိတော့...။ မှန်တွေလည်း ကွဲလို့...။ ဘေးက စက်မှု ၁ လမ်းဘက်ကို ကွေ့တဲ့နေရာမှာ ဓါတ်တိုင်ကြီးနဲ့ သစ်ပင်ကြီးတစ်ပင်က ကန့်လန့်ဖြတ်ပိတ်လို့...။ ပြည်ထဲရေးဝန်ကြီးရုံးရှေ့က အပင်ကြီးကလည်း လမ်းတစ်ခုလုံးကို ပိတ်ထားတယ်...။

တာမွေ အ၀ိုင်းထိပ်ဘက်ကို သွားကြည့်တော့ ရွှေညောင်ပင်ကြီးက အမြစ်ကနေကျွတ်ထွက်သွားတယ်...။ အနားက ဘီးလ်ဘုတ်ကြီးကလည်း လမ်းကို ပိတ်ထားတယ်...။ အ၀ိုင်းထိပ်ကနေ သင်္ဃန်းကျွန်းလမ်းဘက်ကို သွားတဲ့ဘက်ပိတ်သွားရော...။

ကျောက်မြောင်းကတော့ တိုက်ခန်းများလို့ထင်ပါရဲ့... အပင်တွေ နည်းနည်းသက်သာတယ်...။ ဖြစ်တယ် ထိတယ်ဆိုပေမယ့် ရန်ကင်းနဲ့ ဆရာစံရပ်ကွက်တွေလောက် မထိဘူး...။ အမိုးပွင့်သွားတဲ့ တိုက်ခန်းတွေတော့ ရှိသပေါ့...။

တောင်ဥက္ကလာဘက်ကို ဆက်ထွက်ခဲ့တယ်...။ ဂိုဒေါင်လည်း သွားကြည့်ရင်းပေါ့...။ လမ်းမှာ လူတိုင်းက ဓါးတစ်လက်စီနဲ့...။ တချို့ကလည်း ပေါက်ဆိန်တွေနဲ့...။ လဲသမျှ သစ်ပင်ကို ခုတ်ထွင်နေကြတယ်...။ ဘုန်းကြီးကျောင်းရှိတဲ့နေရာတွေက ဘုန်းကြီးတွေက ဓါးကိုယ်စီနဲ့ သစ်ပင်တွေကို ထွက်ခုတ်နေကြတယ်...။ သူတို့ပဲပေါ့...။ မနှစ်ကလည်း လူတွေ စားဝတ်နေရေး ပူလွန်းလှလို့ လမ်းပေါ်လျှောက်ခဲ့ကြသေးတာ...။ အခုတော့ ဓါးကိုယ်စီနဲ့...။

သစ်ပင်ပိနေတဲ့ အိမ်တွေကို အရပ်က လူအားနဲ့ ၀ိုင်းရှင်းနေကြတယ်...။ တချို့အိမ်တွေက လက်ဘက်ရည်ဖိုးလိုက်ပေးတာကို အတင်းငြင်းပြီး ထွက်ပြေးသွားတဲ့ ချာတိတ်တွေကို တွေ့ရတယ်...။ လက်မောင်းမှာ ဆေးမှင်နဲ့...။ နားမှာ နားကပ်အမည်းလေးတွေနဲ့...။ လက်ထဲမှာတော့ လွှတွေ၊ ဓါးမတွေနဲ့...။ သူတို့ပဲပေါ့ မနှစ်က ဘုန်းကြီးတွေလမ်းပေါ်ရောက်တော့လည်း လက်ချင်းချိတ်ပြီး ခပ်ရဲရဲ လိုက်ခဲ့ကြတာ...။
လူတွေအတွက် အခက်အခဲဖြစ်နေတာက ဓါတ်တိုင်တွေနဲ့ ဖုန်းတိုင်တွေ...။ ကြိုးတွေကိုလည်း မဖြတ်ရဲကြ...။ တိုင်တွေကိုလည်း ဘေးဖယ်လို့မရနဲ့...။ လမ်းတွေကို အများဆုံးပိတ်နေတာက အဲဒါတွေပဲ...။ သက်ဆိုင်ရာကလည်း တစ်ယောက်ဆို တစ်ယောက်မှ လမ်းပေါ်မှာ မတွေ့ရပါ...။ ကိုယ့်အရပ်ကိုယ် တာဝန်ယူထားကြရတာလေ...။

ဒုတိယကမ္ဘာစစ်ကားတွေမှာ ဂျာမန်တွေနဲ့ မဟာမိတ်တွေ ဥရောပမြို့ပျက်ကြီးတွေထဲမှာ စစ်တိုက်နေတဲ့ အခန်းတွေ ရုပ်ရှင်မှာ ကြည့်ဖူးမှာပေါ့...။ အဲဒီအတိုင်းပဲ...။ ရန်ကုန်မြို့ကြီးတစ်ခုလုံးဟာ စစ်ဘေးစစ်ဒဏ်တစ်ခုကို အကြီးအကျယ်သင့်ခံပြီးခါစလိုပဲ...။ မြို့ပျက်ကြီး...။ တကယ်ကို မြို့ပျက်ကြီး...။

အိမ်ပျက်သွားတဲ့လူတွေကလည်း ရရာ အထုပ်ကိုယ်စီဆွဲလို့ လမ်းပေါ်မှာ လမ်းလျှောက်နေတယ်...။ မုန်တိုင်းမတိုင်ခင်နေ့က ညဆိုင်းဆင်းရတဲ့ အလုပ်သမတွေကလည်း အလုပ်ခွင်ရှိတဲ့ စက်ရုံ၊ အလုပ်ရုံတွေကနေ ကိုယ့်အိမ်ကို လမ်းလျှောက်ပြန်လာနေကြတယ်...။ လက်ထဲမှာ ချိုင့်ကိုယ်စီနဲ့...။ မျက်နှာတွေက အပျက်အစီးပုံကြီးတွေကြည့်ပြီး ကိုယ့်အိမ်ဘာများဖြစ်မလဲလို့ ပူပန်နေတဲ့ ပုံတွေနဲ့...။
စက်ဘီးတွေနဲ့ သွားနေတဲ့လူတွေကလည်း များမှများ...။ အိမ်ဆောက်ပစ္စည်းရောင်းတဲ့ဆိုင်တွေရှေ့မှာ သွပ်တွေ သံတွေ လာဝယ်သူတွေက ကျိတ်ကျိတ်တိုးလို့...။ တန်းစီလို့...။ မိုးကာဖျင်ရောင်းတဲ့ဆိုင်တွေလည်း လက်မလည်ကြဘူး...။ အမိုးပွင့်သွားတဲ့အိမ်တွေက ယာယီမိုးဖို့ လိုသကိုး...။

တိုင်းမှူးလို့ယူဆရတဲ့တစ်ယောက်ကတော့ လန်ခရူဇာအဖြူတစ်စီးကို အဲကွန်းဖွင့်ပြီး၊ လုံခြုံရေးကားတစ်စီးခြံရံလို့ အပျက်အစီးတွေကြားက ကားဝင်တိုးလို့ရသလောက် လိုက်ကြည့်နေတာ တွေ့ရတယ်...။

မီးမရှိတော့...။ ရေမလာတော့...။ ဈေးတွေမရှိတော့...။ စတိုးဆိုင်တွေနဲ့ ကုန်ခြောက်ဆိုင်တွေကမဖွင့်တော့...။
ဘယ်မှာလဲ... စွမ်းအားရှင်တွေ...။ ဘယ်မှာလဲ ကြံ့ခိုင်ရေးတွေ...။ ဘယ်မှာလည်း အမျိုးသမီးရေးရာတွေ...။ ဘယ်မှာလဲ ပြည်သူ့ရဲတွေ...။ ဘယ်မှာလဲ တပ်မတော်သားတွေ...။

သြော်... သူတို့တွေလည်း လောကီသားပေမို့ တို့လိုပဲ မိုးထဲ လေထဲမှာ အိုးမဲ့အိမ်မဲ့ဖြစ်တဲ့လူကဖြစ်၊ ဘ၀ပျက်တဲ့လူတွေကပျက်၊ သေတဲ့လူတွေကသေ၊ ငတ်တဲ့လူတွေကငတ်လို့...။

အိမ်ကြက်ချင်းကိုအိုးမည်းသုတ်ခဲ့တာ...။ အခုတော့ ကြက်ခြံထဲက ကြက်တွေဟာ ဒီကြက်ခြံကြီး ဒုက္ခရောက်တော့ အတူတူရောက်ကုန်ကြရပြီ...။

တို့ကိုရိုက်ခဲ့တဲ့လူတွေ၊ တို့ကိုပစ်ခဲ့တဲ့လူတွေ၊ တို့ကိုသတ်ခဲ့တဲ့လူတွေ... ဒါပေမယ့် သူတို့နဲ့ တို့နဲ့ အတူတူပဲ...။ သူတို့နဲ့ တို့နဲ့အတူတူပဲဆိုတာကို သူတို့တွေ တွေးမိကြရဲ့လား...။ တွေးမိကြပြီလား...။
အယုတ်အလတ်အမြတ်မရွေး နာဂစ်က အားလုံးကို ထိပါးခဲ့ပြီ...။ အရေးကြီးတော့ သွေးစည်းရတော့မယ်...။ ဒီအခက်အခဲကြီး... ဒီအပျက်အစီးပုံကြီးတွေကို တို့တွေ အကုန်လုံး အတူတူ ရင်ဆိုင် ဖြတ်သန်းရတော့မယ်...။
အတွေးတွေအများကြီးနဲ့ မိုးချုပ်သွားခဲ့တယ်...။ မှောင်မည်းနေတဲ့ လမ်းတွေပေါ်မှာ လူတွေ မနားတမ်းလျှောက်နေကြတုန်းပဲ...။

ချစ်သူကို ပြောမိတယ်...။ ကိုယ်နိုင်ငံရေးလုပ်တာ... ကိုယ်အခြေခံဥပဒေကို မထောက်ခံတာဟာ ဒါတွေကြောင့်ပေါ့လို့...။ တကယ် ဒုက္ခဖြစ်တော့ တစ်နိုင်ငံလုံးအတိုင်းအတာနဲ့ ကိုယ်တို့တွေ ရှောင်နေလို့ရတာမဟုတ်ဘူး...။ ဒုက္ခကို အားလုံး အတူတူခံစားကြရမှာ...။ ကိုယ်တွေက လုပ်မနေပါနဲ့ ကိုယ့်ထမင်းကိုယ်ရှာစားရတာဆိုပြီး ကိုယ်လွတ်ရုန်းလည်း တချို့ ကိစ္စတွေဟာ ရုန်းမလွတ်နိုင်ဘူး...။ နိုင်ငံရှိတဲ့လူတိုင်းမှာ ကိုယ့်နိုင်ငံကောင်းဖို့ လုပ်ပေးရန် တာဝန်ရှိတယ်...။ ဒါမှသာ ကိုယ်တွေလည်း အေးချမ်းစွာ နေထိုင်စားသောက်နိုင်မယ်...။
စနေညနေက...။


ကျွန်တော် ငိုနေခဲ့တယ်...။ ကျွန်တော့် မျက်လုံးက မျက်ရည်တွေ စီးကျလာတယ်...။ လူမမြင်အောင် တစ်ဖက်လှည်ပြီး သုတ်နေရတယ်...။

ထမင်းစားတာဗျာ... ငရုတ်သီးနဲ့ စားနေရလို့...။

...ကျွန်တော် ထမင်းဆာနေတယ်အစ်ကို... ခင်ဗျားဘယ်မှာနေလို့လဲ... ဒုက္ခသည်စခန်းမှာပါ... ခင်ဗျားတို့စခန်းက ထမင်းမကျွေးဘူးလား... ကျွေးပါတယ်အစ်ကို... ဒါပေမယ့် ကျွန်တော် မစားနိုင်ဘူးဖြစ်နေတယ်... ဟင်းမကောင်းလို့လား... မဟုတ်ဘူးအစ်ကို ကျွန်တော် ရူးနေပြီ၊ ကျွန်တော် ဘာမှ စားမ၀င်တော့ဘူး၊ အဲဒီနေ့က ကျွန်တော်ရယ် ကျွန်တော့်မိန်းမရယ် သမီးသုံးယောက်ရယ် အတူတူရှိနေခဲ့တယ်၊ ၀ုန်းဆိုတဲ့အသံကြီးနဲ့အတူ အိမ်က ပွင့်ထွက်သွားပြီး ရေတွေထဲကို ကျွန်တော်ရောက်သွားတယ်၊ ကျွန်တော် သတိရတော့ ကျွန်တော့် မိန်းမနဲ့ သမီးလေးတွေ မရှိတော့ဘူး၊ ဘယ်မှမှ ရှာမတွေ့တော့ဘူး၊ ကျွန်တော့်သမီးအကြီးလေးဆို ၁၈နှစ်ပြည့်တာ လပိုင်းပဲ ရှိသေးတယ်...

...ကျုပ်ဗျာ ဟောဒီလက်နဲ့ ကျုပ်မိသားစုကို ဆုပ်ထားတာ၊ ရေတွေက တ၀ုန်းဝုန်းနဲ့လာရိုက်နေတယ်... လက်တွေက တဆတ်ဆတ်တုန်နေတယ်... ကျုပ်လက်ကို မလွှတ်ဘူး... ဒီဆုပ်ထားတဲ့လက်ကလေးတွေ လွတ်ထွက်သွားရင် သူတို့ကို တစ်သက်လုံး ပြန်တွေ့ရတော့မှာ မဟုတ်ဘူး... ဒါပေမယ့်ဗျာ ကျုပ်ဆုပ်ထားပါလျက်နဲ့ အဲဒီလက်တွေ ပြုတ်ထွက်သွားတယ်... အခု ဒီစခန်းမှာ ကျုပ်တစ်ယောက်တည်း...
... လေတွေက အနီရောင်ကြီး မြင်နေရတာ၊ ကျွန်မတို့ကြည့်နေတုန်းပဲ မီးပွားတွေ လွင့်လာတယ်... ဘယ်ကမီးတွေ ပါလာတာလဲ... သဲတွေက လေထဲမှာ အချင်းချင်းပွတ်ပြီး မီးပွင့်လာတာပြောတာပဲ၊ သေသေချာချာတော့ မသိဘူး၊ ကျွန်မယောက်ျားဆိုရင် ကျောမှာ မီးလောင်ဒဏ်ရာတွေကိုမနည်းဘူး...
... ကျွန်တော်တို့ ဒုက္ခသည်စခန်းကို ရေလည်းမလာပါဘူး၊ စားစရာလည်းမလာပါဘူး၊ အဲဒါနဲ့ အခု ကျွန်တော်နဲ့ ဒီကကောင်လေးတွေ အကူအညီရောက်လာတဲ့ ပစ္စည်းတွေ ကူထမ်းပေးနေတယ်၊ ရတဲ့ ရိက္ခာလေးကို ဒီစခန်းမှာ ပြန်မျှကျွေးနေပါတယ်...

... သူတို့စားတဲ့ဆန်ကို ကြည့်ပါဦးဟယ်၊ ၀ါထိန်နေတာပဲ၊ ပုပ်စော်လည်း နံနေသေးတယ်... အဲဒါရေစိုလို့ ပျက်စီးနေတဲ့ ဆန်တွေလေ... ဟယ် ငါတို့လာလှူတဲ့ ဆန်တွေရော... အဲဒါတွေက ဂိုဒေါင်တွေမှာ သိမ်းထားတယ်... မမိုက်ပါဘူးဟယ်၊ သူတို့က ဆန်စိုက်ပြီး သူတို့ပြန်စားတဲ့ဆန်တွေကျတော့ ဒီလောက်တောင် ဆိုးရသလား...

... ကျွန်တော်က စီဒီအမ်အေဖုန်းကျတယ်ဆိုလို့ ပုသိမ်မှာ ဖုန်းသွားထုတ်တာ... အခုတော့ ကျွန်တော့် တစ်အိမ်လုံးမှာ ကျွန်တော် တစ်ယောက်တည်းကျန်တယ်ဗျာ...

...ဘုန်းကြီးပြော ဘာကိစ္စလည်း... ဒီလိုပါ ဥက္ကဋ္ဌကြီးရယ်၊ ဦးဇင်းကျောင်းမှာ ဒုက္ခသည် ၆၀၀ကျော် ရောက်နေပါတယ်၊ ဦးဇင်းတို့လည်း တတ်နိုင်သလောက် ကျွေးထားပါတယ်၊ အခုဟာက ၆ရက်ရှိသွားပြီ၊ အဲဒါ ဦးဇင်းတို့မှာ ကျွေးဖို့မရှိတော့လို့ အကူအညီလာတောင်းတာပါ... အဲဒီကိစ္စကို ဦးဇင်းတို့ ရ.ယ.က ဥက္ကဋ္ဌနဲ့ပြောပြီး၊ သူထောက်ခံရင် တပည့်တော်နဲ့ ၀န်ကြီးလာကြည့်မယ်၊ အပြည့်တော့မရနိုင်ဘူး၊ ရသလောက် လှူမယ်... ဘယ်အချိန်လောက်လာမလဲ ဒကာကြီး... ဒီမှာ ဒီလောက် အလုပ်များနေတာ ဦးဇင်းတွေ့တာပဲ၊ အားတဲ့အချိန်လာမှာပေါ့၊ အလှည့်ကျလာနေတာပဲဟာကို...

...အဲဒီနားတွေက သွားလို့မရဘူးအစ်ကို၊ ဘေးပတ်လည်မှာ အလောင်းတွေ ပုံနေတာပဲ၊ လူတွေလည်း ၀မ်းရောဂါဖြစ်နေကြတယ်၊ ကယ်ဆယ်ရေးကလည်း အဲဒီဒေသတွေကို မရောက်သေးဘူး၊ သူများတွေပြောတာတော့ အဲဒီလူတွေဆီက ရောဂါပိုးတွေ ဒီဘက်မကူးအောင် သေပလေ့စေလို့များ ပစ်ထားတာတဲ့...

... မြင်မကောင်းပါဘူးဗျာ... သစ်ပင်တွေပေါ်မှာ ချိတ်နေတဲ့ အလောင်းတွေဆိုတာ နည်းမှ မနည်းတာ...

... ပင်လယ်ဝမှာတော့ အများကြီးပဲဗျ... အလောင်းတွေရယ်... ဒီလိုပဲ ရေထဲမှာ ပုပ်ပွနေကြတာပဲ... ဆယ်ရက်လောက်ပါပဲ သူ့ဘာသာ အရိုးကျသွားမှာပါ...

... ကျွန်တော်ဗျာ ရေလုံးကြီးနဲ့ပါသွားပြီး လက်ကို သစ်ကိုင်းတစ်ခုလာထိလို့ ဖမ်းဆွဲထားလိုက်တာ... ရေကျသွားတော့ ကျွန်တော်ရောက်နေတာ အုန်းပင်ထိပ်ဖြစ်နေတယ်...

... လေကြောင့်သေတာမဟုတ်ရပါဘူးဗျာ... ဒီရေက ပေ ၂၀လောက်တက်လာလို့ ကျုပ်တို့ရွာ ရွာလုံးကျွတ်သွားတာ...

ခင်ဗျားတို့ရော မျက်ရည်ကျနေသလား...။

ကျွန်တော့်လိုပဲ ထမင်းဖြူကို ငရုတ်သီးစိမ်းနဲ့ စားမိဟန်တူပါရဲ့...။

ဒီငရုတ်သီး သိပ်စပ်တယ်ဗျာ...။ နော်...။

မနေ့က...။

My labels: Nargis, Nagis, Myanmar Cyclone, minO, မင်းအို နာဂစ် မုန်တိုင်း မြန်မာ ဗမာ , Mandalay Myanmar Burma Burmese News

Thursday, May 08, 2008

Myanmar Cyclone 2008





ရန်ကုန်ကို ဧပြီ ၂၈ ရက်နေ့ကတည်းက ရောက်နေတာပါ... အဲဒါနဲ့ နာဂစ်ဆိုတာကြီးနဲ့တွေ့ရော ဆိုပါတော့... ဘီဘုတ်ပျံတွေ၊ သွပ်ပြားပျံတွေ တွေ့လိုက်ရတယ် ခင်ဗျ... မိုးတိတ်သွားတဲ့အချိန်မှာ ရုံးအခြေအနေ သိချင်တာနဲ့ လမ်းလျှောက်ပြီး ရုံးကို ရောက်အောင်သွားဖြစ်တယ်... န၀ဒေး မှတ်တိုင်မရောက်ခင်မှာ အသိအကို တစ်ယောက် နဲ့ တွေ့လို့ ကားနဲ့ လိုက်ပို့ပေးလို့ ရုံးကို ရောက်ခဲ့တယ်... သစ်ပင်တွေလဲ နေလို့ ကားလမ်းမဟာ တောကြီးထဲက လမ်းကြီးလိုပါပဲ... ပြိုကျနေတဲ့ တဲတွေ၊ အိမ်တွေ၊ သွပ်ပြားတွေ လှန်နေတဲ့ စက်ရုံတွေ ထမင်းမစားရသေးတဲ့လူတွေ တွေ့ခဲ့ရတယ်... ၀မ်းနည်းစရာ အရမ်းကောင်းတယ်ဗျာ... ဒေါသတွေထွက်ပြီး စိတ်တွေလည်း တိုမိတယ်....

စာရိုက်ရတာ အဆင်မပြေလို့ နောက်နေ့များမှ ဆက်ရေးပါ့မယ်...
my labels: Nagis, Nargis, Myanmar Cyclone, Burma Cyclone, Myanmar News