photo.MgHla.net -ေ မာ င် လှ ရဲ့  ဓာ တ် ပုံ ပြ ခ န်း

ကျွန်တော် ဖန်တီးခဲ့သော / ဖန်တီးလျှက်ရှိသော / ဆက်လက် ဖန်တီးမည့် ဓာတ်ပုံ၊ ရုပ်ပုံ၊ လှုပ်ရှားမှု ပုံများ၊ စာသား စသည့် ဖန်တီးမှုများ အားလုံးအား a Creative Commons Attribution-NonCommercial-NoDerivs 3.0 Unported License. လိုင်စင် ရယူထားပါကြောင်း အသိပေးအပ်ပါသည်။
http://creativecommons.org/licenses/by-nc-nd/3.0/


Saturday, April 28, 2007

ဒါနဲ့စကားမစပ်...

ဒါနဲ့စကားမစပ်... (ယူသုံးတယ်ဟေ့ ဘုဃံဏက်)
Blogspot ပေါ်တင်တဲ့ပုံတွေကို Picasa Web Album မှာ သိမ်းထားပေးတာကို ဒီနေ့မှ သတိထားမိတယ်... အရင်က ဖျက်ချင်ရင်တောင် ဘယ်နား ပြန်ရှာ ဖျက်ရမှန်းမသိဘူး...

ဒါနဲ့စကားမစပ်...
မနေ့ညက ၈-နာရီကျော်ကျော်မှာ လေတွေတိုက်ပြီး မိုးတွေရွာတယ်... ညဘက်အိပ်လို့ ကောင်းလိုက်တာ အေးအေးလေးနဲ့ အိပ်လိုက်တာ မနက် ၇-နာရီကျော်မှ နိုးတယ်...

ဒါနဲ့စကားမစပ်...
ကျတော် ညွှန်းထားတဲ့ နဝရတ် ဖူဂျီ ဓာတ်ပုံကူးဆိုင်က 4x6 ဆိုဒ် ၁-ပုံကို ၁၀၀-ကျပ် ဖြစ်သွားပြီ...

My Labels: သတင်း, ဒါနဲ့စကားမစပ်, မန္တလေး သတင်း, Mandalay News,


Thursday, April 26, 2007

ပုံမှန်မဟုတ်တဲ့ အကျင့်တွေ

တက်ကြတာတွေ... ဘာတွေလဲ မသိဘူး လာတက်ကြတယ်... တက်ကြတဲ့ သူတွေ များနေပြီဆိုတော့ ရေးဦးမှပဲ...
  1. ခုမှ စတွေ့သူကို ပြုံးပြဖို့ ဝန်လေးတတ်သည်... စိတ်မပါရင်လည်း မပြုံးပြတတ်... အဲဒီလောက် လူမှုရေး အလွန်တော်တာ...
  2. မတွေ့တာ ကြာတဲ့သူဆို မမှတ်မိတတ်... လူ မြင်ဖူးပြီး နာမည် မမှတ်မိတာမျိုးတွေ ခဏ ခဏ ဖြစ်တတ်... အဲဒီလောက် မှတ်ဥာဏ် ကောင်းတာ....
  3. ထမင်းစားလျှင် ဟင်းချီးများ၏... ထမင်းရော ဟင်းပါ ပူပူနွေးနွေးလေးမှ ကြိုက်၏...
  4. ကလေး ကလား အရမ်းဆန်၏...
  5. အအိပ်ကြီး၏... အိပ်နေတုန်း လာနှိုးလျှင်လည်း မကြိုက်ပေ...
  6. သင်တန်းတွေလိုက်တက်ရမှာ ပျင်း၏... စာမေးပွဲ ဖြေရမှာလည်းပျင်း၏... ထို့ကြောင့် ပညာတိုးတက်မှု မရှိသောသူဟု ကိုယ့်ကိုကိုယ် သိ၏...
  7. အလုပ်လုပ်ရင် နေ့ရွှေ့ ညရွှေ့... ပူလွန်းသည် အေးလွန်းသည် အကြောင်းပြတတ်၏... စိတ်ပါလျှင်တော့ ချက်ချင်းလုပ်တတ်သည်...
  8. အခြောက်တွေကို မုန်း၏... လာလာကျူကြ လွန်းလို့...
  9. အရက်မူးပြီး ရစ်ကြသူတွေကိုလည်း မုန်း၏... ဒါတွေ ဒါတွေကိုပဲ ထပ်ထပ် ပြောလွန်းလို့...
  10. အရင်က နန္ဒာလှိုင် ကိုကြိုက်ခဲ့ဖူး၏... ပြီးတော သက်မွန်မြင့်... ယခုတော့ သင်ဇာဝင့်ကျော်ကို ကြိုက်နေ၏... ကြိုက်သော်ငြားလည်း သူမ လက်ထပ်ခွင့်တောင်းပါက စဉ်းစားကာ နေရဦးမည်...

ပြီးရော...

Tuesday, April 24, 2007

မန္တလေးရောက်ရင်လေ...

  • ထပ်တစ်ရာ ကောင်းကောင်း၊ ဆိတ်စွပ်ပြုတ် ကောင်းကောင်း နဲ့ လက်ဖက်ရည် ကောင်းကောင်း သောက်ချင်တယ်ဆိုရင်ဖြင့် ၁၂-လမ်း၊ လမ်း-၈၀ နဲ့ ၈၁ လမ်းကြားမှာ ရှိတဲ့ လက်ရွေးစင် လက်ဖက်ရည်ဆိုင်မှာ မြည်းစမ်းကြည့်ကြပါ... ကျုံးရဲ့ အနောက်မြောက်ထောင့်ရောက်ရင် ဆိုရင်ဖြင့် လက်ရွေးစင် လက်ဖက်ရည် မေးမြန်းလို့ရပါပြီ... ညဘက်တော့ မဖွင့်ပါဘူး... ၅-နာရီ ဝန်းကျင်လောက်အထိပဲ ဖွင့်တယ် ထင်ပါတယ်... မန္တလေး မြောက်ပြင်ရဲ့ နာမည်ကြီး လက်ဖက်ရည်ဆိုင် တစ်ဆိုင်ပါ...
  • ညနေစောင်းက စပြီး ညဘက်အထိ ချပါတီကောင်းကောင်း စားချင်တယ်ဆိုရင် ၈၂-လမ်းနဲ့ ၂၇-လမ်းထောင့်၊ Unity Hotel နဲ့ မျက်နှာချင်းဆိုင်မှာ တည်ရှိတဲ့ နေ လက်ဖက်ရည်ဆိုင်ကို ညွှန်းပါရစေဗျာ... အဲဒီ အနီးနား ပတ်ဝန်းကျင်မှာ ပုံတူရိုးမှား နာမည်ပေးထားတဲ့ ဆန်း လက်ဖက်ရည်ဆိုင်လည်း ရှိတယ်ဆိုတာ သတိပြုပါ... မြို့မ ရုပ်ရှင်ရုံကနေ နောက်ဘက် နောက်လမ်းထောင့်မှာ ရှိတာပါ... ချပါတီ အပြင် အခြား အိန္ဒိယ အစားအစာများလည်း ရနိုင်ပါတယ်...

အပေါ်က လက်ဖက်ရည်ဆိုင် ၂-ဆိုင်သွားပြီး မောင်လှလည်း အိန္ဒိယ အမျိုးအနွယ်ဝင်လို့ မထင်လိုက်ပါနဲ့... မောင်လှ ဆိုတာ ဗမာစစ်စစ် အညာသားပါ...

  • မန္တလေး ထမင်းပေါင်း၊ အနီရောင်ဆော့ မပါဘဲ သုတ်ထားတဲ့ ဝက်သားသုပ်နဲ့ အခြား ခေါက်ဆွဲ၊ ဆီချက် အစားသောက်ကောင်းစားချင်တယ်ဆိုရင်ဖြင့် ၈၄-လမ်းနဲ့ ၃၂-လမ်းထောင့် ဓာတ်ဆီဆိုင်ဘေးမှာ ကပ်ဖွင့်တဲ့ တွန်းလှည်းနဲ့ ရောင်းတဲ့ ဆိုင်ကလေးမှာ သွားစားကြည့်ကြပါဦး... မန္တလေးက နာမည်ကျော် President store ဆိုင်နဲ့ မျက်နှာစောင်းထိုး လမ်းထောင့်မှာ တည်ရှိတာပါ... ညနေ ၆-နာရီ ဝန်းကျင်မှ စဖွင့်တဲ့ဆိုင်ပါ...
  • Digital Camera ထဲက ဓာတ်ပုံပဲ ဖြစ်ဖြစ်၊ ဖလင် ကင်မရာထဲက ဓာတ်ပုံပဲဖြစ်ဖြစ်၊ CD, Memory Stick ထဲက ဓာတ်ပုံတွေပဲဖြစ်ဖြစ် ကာလာ စိုစိုပြေပြေ ဓာတ်ပုံကောင်းလေးတွေ ကူးချင်တယ်ဆိုရင်ဖြင့် ဒီလ ၅-ရက်နေ့ကမှ အသစ်ဖွင့်ထားတဲ့ နဝရတ် ဖူဂျီကာလာ ဓာတ်ပုံကူးဆိုင်မှာ သွားရောက် စမ်းကူးကြည့်ကြပါလို့ လမ်းညွှန်ပါရစေ... အခြားဆိုင်များနဲ့ မတူတာက digital media များနဲ့ လာကူးရင် virus စစ်ဆေးပြီးမှသာ ဖိုင်ကို လက်ခံယူခြင်းပါပဲ... 4x6 ဆို ၉၀-ကျပ်၊ 5x7 ဆို ၁၅၀-ကျပ်၊ 8x10 ဆို ၅၀၀-ကျပ်၊ ၁၀x၁၂ ဆို ၆၀၀-ကျပ်၊ 10x14 ဆို ၇၀၀-ကျပ်ဖြစ်ပါတယ်...
My Labels: မန္တလေး, Mandalay News

Sunday, April 22, 2007

မောင်လှ ပြန်လာပြီ...


သင်္ကြန်တွင်း ထွက်ဖြစ်ခဲ့တဲ့ ခရီးမှာ အတူနေ အခန်းဖော် ဘကြီး ၂-ယောက်ဆီ သော့ပါသွားလို့ အိပ်စရာနေရာမရှိလို့ ရုံးက မန်နေဂျာ တစ်ယောက်ရဲ့ အခန်းမှာ ကပ်နေရင်း ပျင်းပျင်းရှိတာနဲ့ တံခါးဘောင်ပေါ် ကပ်တင်ပြီး ရိုက်ထားတာပါ... shutter speed မတူအောင် ထားရိုက်ထားတဲ့ ပုံ ၅-ပုံကို Photoshop ထဲက Merget to HDR နဲ့ ပြန်ပေါင်းထားတာပါ...
ကဲ... ဘယ်မြို့ ဖြစ်မလဲ မှန်းကြည့်ကြပါဦး... မန္တလေး မဟုတ်တာတော့ သေချာပါတယ်...

My Labels: Photo, Photoshop, Trip,

Wednesday, April 11, 2007

မိတ်ဆက်ပေးပါရစေ...

သိပြီးသားတော့ ဖြစ်ကြမှာပါ...
  • http://stevenalexand.blogspot.com/ ပါ... သူက ဘယ်သူလဲဆိုတော့ ခေတ်သစ် ယုန်နှင့်လိပ် ပုံပြင်၊ မြန်မာရုပ်ရှင်နှင့် ဗီဒီယိုများကို ကြည့်ရှုပြီးရလာတဲ့ ဗဟုသုတ ၁၀၀ တို့ကို ရေးသားခဲ့တဲ့ Kalvin ရဲ့ ညီအရင်းပါ... ဓာတ်ပုံတွေ မြိုင်မြိုင်ဆိုင်ဆိုင်နဲ့ ရေးသားနေတဲ့ စတီဗင်ရဲ့ ဘလော့ကို အလည်မရောက်ဖူးသေးဘူး ဆိုရင် သွားလည်လိုက်ကြပါဦး...
  • http://uhteik.blogspot.com/ ဒီဘလော့ ပိုင်ရှင်ကတော့... ဖိုရမ်လောက၊ GTalk လောက ကနေ နယ်မြေချဲ့လာတဲ့ မန္တလေး သတင်းစာလောက က ဦးထိပ် (ခ) နွေမျိုးနွယ်လို့ခေါ်တဲ့ ကျတော်ရဲ့ ဘော်ဒါကြီး ရေးတာပါ...
  • မြန်မာနာမည် လှလှလေးနဲ့ ဓာတ်ပုံဆရာ၊ ကွန်ပျူတာ ဆရာ၊ ပရဟိတ အလုပ်များလုပ်နေသူ ကိုဘဦး ရဲ့ ဘလော့ပါ... http://mgbaoo-mandalay.blogspot.com/
  • မော်ဒယ် ခေတ်တစ်ခေတ်ကို ထူထောင်မယ့် ကိုနေကြီးပါ... http://konaygyi.blogspot.com/
  • ဒါလည်း မန်းလေးသားလို့ ဆိုလာသူ ဝေမြင့်မော်ရဲ့ blog ပါ... http://www.waimyintmaw.blogspot.com/

My Label: Myanmar Blogger, Links

Sunday, April 08, 2007

ပိတောက်တွေ ပွင့်လေပြီ...


ဒီနေ့ မန္တလေးမှာ ပိတောက်တွေ ပွင့်လေပြီ... ရုံးက ကောင်မလေး တစ်ယောက် ပိတောက်ကိုင်းတွေ ကိုင်ပြီး ရုံးထဲဝင်လာလို့ ခွင့်တောင်းပြီး ရိုက်ထားတဲ့ ပုံပါ... အင်း.. သင်္ကြန် မန္တလေးမှာ ရှိမှာမဟုတ်ဘူးဆိုတော့ Service+ က ကိုရဲထွန်းအောင်တို့ ဦးစီးလုပ်နေတဲ့ http://thin-gyan.blogspot.com/ ကနေပဲ အလွမ်းပြေ ကြည့်ရတော့မှာပဲ... ဘာဖြစ်လို့လည်း မသိ... ခုနောက်ပိုင်း သင်္ကြန်လည်တာကို ဝါသနာမပါတော့... ပြီးခဲ့တဲ့ နှစ်တုန်းကလည်း မေမြို့ (ခ) ပြင်ဦးလွင်မှာပဲ သွားနေခဲ့သည်... မေမြို့မှာ အေးအေးနဲ့ အိပ်လိုက် စားလိုက် ပျင်းရင် အပြင် မုန့်ထွက်စားလိုက်နဲ့ အပြတ်ကို ဇိမ်ယူပြစ်လိုက်သည်...

သြော်... ဒါနဲ့စကားမစပ်... မြို့တော်ခန်းမမှာ Hip Hop Festival 2007 ဖျော်ဖြေပွဲ ဒီနေ့ရှိသည်... DJ Mann, J-Me, Sai Sai, YaTha တို့နဲ့ မိန်းခလေး အဖွဲ့ ၂-ဖွဲကလားမသိဘူးပါသည်...

My Labels: Thingyan, သင်္ကြန်

Saturday, April 07, 2007

ဟေး.... ပျော်လိုက်တာ... ဒါပေမယ့်... ဝမ်းလည်းနည်းတယ်...

ဟေး.... ပျော်လိုက်တာ...
ရုံးက အရင်က 5-ရက်ခွဲပဲ ပိတ်မယ်လို့ ကြေငြာထားသည်... ခု
၁၂-ရက်ကနေ ၂၁-ရက်နေ့အထိ ၁၀-ရက် ပိတ်မယ်တဲ့... ပျော်လိုက်တာ...

ဟာ... ဝမ်းနည်းလိုက်တာ...
ကျတော်တို့လို လခစား ဝန်ထမ်းတွေ အတွက်တော့ မဟုတ်ပါဘူး... နေ့စား အလုပ်သမား ဝန်ထမ်းတွေ အတွက်ပါ... ဒါက နေးတစ်မှာ ရေးခဲ့ဖူးတာလေးပါ...
Tue Mar 27, 2007 5:13 pm
အစိုးရ ရုံးပိတ်ရက်တွေ လိုက်မပိတ်လို့ မကျေနပ်မိဘူး... ခုမှ ပြန်စဉ်းစားကြည့်တော့ ကျတော်တို့လို လခစားတွေအတွက် မကောင်းပေမယ့်... ဈေးချိုတို့ ဘာတို့မှာရှိတဲ့ တစ်နေ့လုပ်မှ တစ်နေ့စားရတဲ့ နေ့စား အလုပ်သမားတွေဘက်ကို ပြန်ကြည့်ရင်တော့ ဟုတ်နေတယ်... သူတို့ တစ်ရက်ပိတ်လိုက်ရင် စားစရာ သောက်စရာ မရှိတဲ့ ဘ၀ကို ရောက်သွားနိုင်တယ်... သင်္ကြန်မှာလည်း ဈေးချို (၁၀)ရက် မပိတ်ဘူး... ၁၀-ရက် ပိတ်ရမယ်ဆို ၂၁-ရက်နေ့အထိ ပိတ်မယ်... ၂၃-ရက်နေ့ကလည်း ဥပုသ်နေ့... ၁၂၊ ၁၈၊ ၁၉၊ ၂၀၊ ၂၁ စုစုပေါင်း ၅-ရက်... အဲဒီ ၅-ရက်စာကို သူတို့ ဘယ်လို စားသောက်ကြမလဲ... သူတို့ တစ်နေ့လုပ်မှ တစ်နေ့စားရတာ အလျင်မီတာမဟုတ်ဘူး ခင်ဗျ... စုဆောင်းထားတာလေးတွေ ရှိမယ်လို့ မပြောနဲ့ဦး... မနက်နက်ဖြန်၊ သဘက်ခါ မရသေးတဲ့ လုပ်ခတွေကို အပေါင်ဆိုင်တွေမှာ ချေးငှား ပေါင်နှံပြီး ကြိုထုတ်ထားရတယ်... နေ့ပြန်တိုးနဲ့ ချီးယူထားရတယ်... နေ့ပြန်တိုးဆိုတာ ဒီနေ့ မနက် ၁၀၀-ကျပ်ချီးမယ်... ညနေ အလုပ်က ပြန်လာလို့ လုပ်ခ ရလာရင် ၁၁၀-ကျပ် ပြန်ဆပ်ရတယ်...
ကဲ... ကျတော်တော့ အစိုးရ ရုံးပိတ်ရက်တွေ လိုက်မပိတ်လို့ နေ့စား အလုပ်သမားတွေ ကိုယ်စား ကျေးဇူးတင်တယ်ဗျာ...
ဒါပေမယ့်... ရုံးကတော့ ပိတ်ရက်မှာ အလုပ်လုပ်ရတဲ့ သူတွေအတွက် လုပ်ခ ၂-ဆ ပေးမယ်၊ နေ့လယ်စာ ကျွေးမယ်တဲ့...
နေ့စား အလုပ်သမားတွေ အဆင်ပြေကြပါစေ... ကျတော်ကသာ သူတို့အတွက် တွေးပူပေးနေတာ... သူတို့လည်း ပျော်နေကြမလား မသိဘူး...

ဒါနဲ့စကားမစပ်...

ဒါနဲ့စကားမစပ်...
ကျတော့်ဆီကို The Voice က တောင်းပန်e-mail ပို့ပါတယ်... ကျတော်မထင်ထားတဲ့ Living Color ရဲ့ အကြီးအကဲ တစ်ယောက် ဖြစ်နေတယ်... ကျတော် ပိုက်ဆံမက်လို့၊ ငွေမက်လို့ ကန့်ကွက်ခဲ့တာ မဟုတ်ရပါဘူး... ယူသုံးမယ်ဆိုရင် အသိပေးမှုလေးပဲ လိုချင်တာပါ... အသိပေးမှုလေး လုပ်ခဲ့မယ်ဆိုရင် ကျတော့်အတွက် အပန်းမကြီးဘူး၊ ကူညီသင့်တယ် ထင်ရင် ထပ်ပြီးတော့ကို ဓာတ်ပုံရိုက်ပြီး ပုံကြီးကြီးတွေ ထပ်ပို့ဦးမှာ...

ဒါနဲ့စကားမစပ်...
ကျတော်ဘာဖြစ်လို့ ဘလော့တွေ ရေးနေမိတာလဲ... ပိုက်ဆံရလို့လား... ငွေကြေးလိုချင်လို့လား... ဟုတ်ရပါဘူး... ဝါသနာအရ ရေးနေတာပါ... စိတ်ထွက်ပေါက်ရဖို့ ကျတော် ဘလော့ရေးတယ်... ဖိုရမ်ရေးတယ်... လုပ်ငန်းခွင်မှာဖြစ်နေတဲ့ stress ကို ဘလော့မှာ ပြန်လာဖွင့်ထုတ်တယ်... ကျတော့် ဘလော့ရဲ့ အစပိုင်းတွေကို ပြန်ကြည့်ပါ... ညည်းညူမှုတွေနဲ့ ပြည့်နှက်နေတာကို တွေ့ရလိမ့်မယ်...
ဘယ်သူ့ကို အားကျပြီး ဘလော့ရေးခဲ့လဲဆိုတော့ ကိုarloo ကို အားကျပြီးရေးခဲ့တယ်... အဲဒီတုန်းက သူက english လိုရေးတယ်... ကျတော်က english လို မရေးတတ်တော့ မြန်မာလို ရေးတယ်... HTML code တွေ တီးမိခေါက်မိ အနည်းငယ်သိတဲ့ ကျတော် စမ်းသပ်ရင်းနဲ့ ဘလော့မှာ မြန်မာလိုရေးလို့ ရသွားတယ်... ကျတော်သိတဲ့ ဘလော့ရေးသူတွေထဲမှာ ကျတော့်ထက် မြန်မာလို စောပြီးရေးတဲ့သူက မောင်ဇန် နဲ့ ငွေနှင်းမြူပါ...
ခုပြန်ကြည့်တော့ ကျတော်က မေလ ၁၀-ရက်နေ့မှာ ဘလော့စရေးခဲ့တယ်... စရေးတုန်းက -Win---Innwa &
-Win---Kalaw font သုံးခဲ့တယ်... ရကောက်တွေ ပါလာရင် အဆင်မပြေလို့ ပုည ယူနီကုဒ်သုံးခဲ့တယ်... ပုညမှာ အချို့အထပ်တွေ ရိုက်လို့ မရလို့ Zawgyi-One ထွက်လာတော့ ဒီဖောင့်ကို ခုအချိန်ထိ သုံးနေတယ်... ပထမစစချင်း Alpha Mandalay က ဇော်ဂျီကို develop လုပ်မှန်းမသိပါဘူး... www.planet.com.mm က သုံးလို့ ကျတော် လိုက်သုံးခဲ့တယ်... တစ်ခုခု ဖြစ်ရင် planet ကြီးရှိတာပဲဆိုပြီး ကျတော် သုံးခဲ့တာပဲ...

သြော်... ဒါနဲ့စကားမစပ်.... ဘာလိုလိုနဲ့ ဘလော့ရေးလာတာ ၃-နှစ်တောင် ပြည့်တော့မှာပဲ...

ဒါနဲ့စကားမစပ်...
အရင်က ဖိုရမ်ရေးတယ်... ပုဂံမှာရေးတယ်... ရေးတယ် ဆိုတာထက် ဖတ်တာပိုများတယ်... အဲဒီကနေ သူငယ်ချင်းတွေ အများကြီးရခဲ့တယ်... ဘလော့ရေးလို့လည်း သူငယ်ချင်းတွေ အများကြီးရခဲ့တယ်...

ဒါနဲ့စကားမစပ်...
မောင်ဇန်ဆိုတာ ပုဂံဖိုရမ်ကနေ စခင်ခဲ့တဲ့ သူငယ်ချင်း... ကျတော့်ထက် ငါးနှစ်ကျော် ငယ်မယ် ထင်တယ်... ဆေးကျောင်းသား... မြိတ် ဇာတိ... ရန်ကုန်မှာနေတယ်... သူ့တိုက်ခန်းမှာ တီဗီမရှိဘူး... သတင်းစာမယူဘူး... broadband internet တပ်ထားတယ်... ကွန်ပျူတာကို ရူးသွပ်တဲ့ လူငယ်တစ်ယောက်... ခုတော့ သူ့အိမ်က ဆေးကျောင်းတက် ကွန်ပျူတာ မကိုင်ရဘူးဆိုလို့ ကျောင်းပြန်တက်နေရတယ်... ကျောင်းတော့ မှန်မှန်သွားတယ်... ဒါပေမယ့် ကန်တန်းမှာချည်းပဲလို့ သတင်းကြားတယ်...
မောင်ဇန်ကို ကျတော် လေးစားတယ်... ကျတော် ကြည်ညိုတယ်... ကျတော့်ထက် အသက်ငယ်ပေမယ့်လည်း ကျတော် လေးစားရင်... ကြည်ညိုတဲ့သူဆို ကို... ၊ မ... တပ်ခေါ်တယ်... အရမ်းခင်သွားပြီး ပြောမနာ ဆိုမနာဆိုရင်တော့ ကို ၊ မ တပ်မခေါ်တော့ဘူး... မောင်ဇန် နဲ့ကျတော် ပုံဂံဖိုရမ် ပျက်ခါနီး... မောင်ဇန်က သူ့မှာ ဒိုမိန်းဝယ် ထားတာရှိတယ်... ဟိုစတင်လည်းရှိတယ်... ကျတော်တို့ ၂-ယောက်ပေါင်းပြီး လျှောက်ရေးရအောင် ဆိုလို့ ရေးခဲ့ကြသေးတယ်... အဲဒီတုန်းက ဘလော့ဆိုတာ ဘာမှန်း ကောင်းကောင်း မသိသေးတာလည်း ပါတယ်... Mambo CMS သုံးပြီး “sms ပို့ရအောင်တို့...”၊ “ဒ ဒွေး ရိုက်လို့ မရရင် ဘယ်လို လုပ်မလဲ” တို့... အဲဒီလို ကွန်ပျူတာ နည်းပညာ အထောက်အကူပြုလေးတွေ ရေးခဲ့ကြတယ်... web site လိပ်စာက http://www.NativeMyanmar.com ... နောက်ပိုင်း ပုဂံဖိုရမ်မှာ ဒီနေ့တင်ရင် နောက် ၃-၄-ရက်နေမှ တက်လာလို့ မောင်ဇန်လည်း ဖိုရမ် အသစ်ထောင်ဖို့ အိုင်ဒီယာရပြီး ခုတော့ NativeMyanmar Forum ဆိုပြီး ဖြစ်သွားခဲ့တယ်...

ဒါနဲ့စကားမစပ်...
သင်္ကြန် ကျတော် မန္တလေးမှာ ရှိမှာ မဟုတ်ပါဘူး... ခရီးတစ်ခု ထွက်ဖြစ်လိမ့်မယ်ဗျ... sponsor ပေးချင်တယ်ဆို ပေးလို့ရတယ်... ခုရက်ပိုင်း သင်္ကြန်အတွက် ဒီဇိုင်းတွေ လုပ်ပေးနေရလို့ အလုပ်တွေတော့များနေတယ်... ကျတော့်ကို မေးထားတာတွေကို ကျတော် ပြန်မဖြေနိုင်ရင်တော့ ကြိုတင် တောင်းပန်ပါရစေ...

ဒါနဲ့စကားမစပ်...
အချို့ shopping mall တွေမှာ လုပ်တဲ့ပွဲတွေဆို ဓာတ်ပုံသွားရိုက်ရင် ဘယ်ဂျာနယ်ကလည်းလို့ မေးကြတယ်...ဂျာနယ်က မဟုတ်ရင် ဓာတ်ပုံ မရိုက်စေချင်တဲ့ ပုံစံပဲ... ကျတော်လည်း လျှောက်ပြောရတာပေါ့... Google ရဲ့ Blogger ကပါပေါ့... ကျတော် ပြောတာ မဟုတ်လို့လား... ကျတော်တို့ Google က service ဖြစ်တဲ့ blogger.com ကို သုံးနေကြတာလေ... ဘာပြောပြော Google ဆိုတော့ လူရှိန်တာပေါ့ဗျာ... ကျတော့် ဆရာကတော့ ကျတော်ကို ဂျာနယ် တစ်ခုရဲ့ သတင်းထောက်ကဒ် လုပ်ပေးမယ် ပြောတာပဲ... လိုရမယ်ရ... ယူထားလိုက်ဦးမယ်ဗျာ... ဆရာရေ... ပေးပြီးသား ကတိ မဖျက်ရဘူးနော်...

My Labels: The Voice, မောင်လှရေ..., ဒါနဲ့စကားမစပ်

Thursday, April 05, 2007

ဖိုးဇော် ... ကဖေး ပီကာဆို နှင့် ကြွက်ကြော် -၃

ပြောရဦးမယ်... မောင်မိုးဆိုတာ ဆော်ကြည်ဘဲ... မှတ်မိသေးသည်... ၁၀-တန်း Physics ကျူရှင်က ကောင်မလေး တစ်ယောက်ကို မောင်မိုးစာပေးသည်... အနှီကောင်မလေးလည်း မောင်မိုးကို ပြန်ကြိုက်သည်... မောင်မိုး ထိုကောင်မလေးကို ပေးသောစာမှာ ကျတော် ပေါက်ကရရေးထားသောစာ ဖြစ်၏... သူများတွေလို ပန်းနုရောင်ဖျော့ဖျော့ အချစ်သင်္ကေတလေးတွေနှင့် နုနုရွရွ ရေးထားသော စာဟု ထင်လျှင်သော မှားသွားလိမ့်မည်... မောင်မိုး၏ ဗလာစာအုပ် နောက်ကျော... မောင်မိုး ကာတွန်းပုံအကြမ်းများ ဆွဲထားသော နေရာအောက် စုတ်စုတ်ပြတ်ပြတ် ပေါက်ကရ လျှောက်ရေးထားခြင်း ဖြစ်သည်... “မင်း ကိုယ့်ကို ပြန်မကြိုက်ရင် ကိုယ့်ရဲ့ အသည်းနှလုံးကို အယ်လ်ကိုဟောထဲ စိမ်လိုက်တော့မည်...” “နစ်ကိုတင်း ဓာတ်ငွေ့တွေထဲမှာ ကိုယ့်ရဲ့ အချစ်တွေကို မြှုပ်နှံလိုက်တော့မယ်...” ဆိုတဲ့ စကားလုံးတွေ ပါတာတော့ မှတ်မိသည်... ကျတော့် လက်ရေးနှင့် ထိုရည်းစားစာကို မောင်မိုးက ပြန်မကူးဘဲ ထိုအတိုင်းပေးလိုက်တာ... အနှီကောင်မလေးက သူ့ကိုပြန်ကြိုက်လေသည်... ကြာကြာတော့ မခံပါ... ထိုဇာတ်လမ်းက လက်လေးတောင် မကိုင်လိုက်ရဘဲ ဆယ်တန်း စာမေးပွဲ ဖြေပြီးတော့ ပြီးသွားလေသည်...
မောင်မိုးအသက်ထက် သူ့ကောင်မလေး အရေအတွက်က ပိုများမည်ဟု ထင်သည်... သြော်... ဆော်ကြည်တဲ့ မောင်မိုး အကြောင်း ဒီမှာ နားပါရစေ... ဆော်များပေမယ့် မောင်မိုးသည် စည်းမဖောက်...

နောက်တစ်ယောက်အကြောင်း ပြောမည်... သူက ရှမ်းကြီး... သူ့နာမည် အရင်းက စိုင်း နဲ့စပြီးစုစုပေါင်း စာလုံး ငါးလုံး ပါလေသည်... ကျတော်တို့ ကျောင်းမှာ၊ ကျတော်တို့ နှစ်မှာ အတော်ဆုံးကျောင်းသား ဖြစ်လေသည်... ဘယ်လိုလုပ်ပြီး အတန်းထဲက အလယ်အလတ် ဆိုးသွမ်းသော ကျတော်တို့နှင့် သူ လာပေါင်းဖြစ်သွားသနည်း... ကျောင်းမှာ ပန်းချီပြိုင်ပွဲတွေ ဝင်ပြိုင်ရင်းနဲ့ ပေါင်းဖြစ်သွားခြင်းဖြစ်သည်... သူကျတော်တို့နှစ်မှာ ဘာသာစုံ ဂုဏ်ထူးနှင့်အောင်လေသည်... သူတက်သော တက္ကသိုလ် နှောက်ဆုံးနှစ်မှာလည်း ဆု ၃-ခုပေးတာ ဆု ၃-ခုစလုံးကို ရယူနိုင်ခဲ့သည်... ကျတော်တို့ ဆယ်တန်းနှစ်မှာမှ စသည် ထင်ပါသည်... ဘာလဲဆိုတော့ မြန်မာ့ရုပ်မြင်သံကြားက တီဗီ ဥာဏ်စမ်း ပဟေဠိပါ... အဲဒီ ပြိုင်ပွဲကို မန္တလေးတိုင်း ကိုယ်စားပြုပြီး သွားပြိုင်ရသည်... ဒီကောင်ကြီးက ကျတော်တို့ ကျောင်း ပတ်ဝန်းကျင်က အမျိုးသမီး သီးသန့်ကျောင်းတွေမှာ စာတော်တယ်လို့ နာမည်ကြီးသည်... တီဗီဥာဏ်စမ်းပြိုင်ပွဲမှာ ရှမ်းကြီး ဝင်ပြိုင်တယ်ဆိုလို့ ကြည့်ကြတာ အဲဒီနေ့ စာတောင် မကျက်ဖြစ်ကြဘူးဆိုပဲ... စာတော်ပြီး တော်တော်ချောမယ် ထင်နေကြတာလေ... အဲဒီနေ့က ကြည့်ကြသူတွေ မှန်းချက်နဲ့ နှမ်းထွက် မကိုက်ပေ...

My Tags: မောင်လှရေ..., MaungHla, MgHla, Poe Zaw, Painter, Artist, Designer, U Ba Kyi, Shan Gyi


Tuesday, April 03, 2007

Robo V2


မနေ့က တင်တာ metacafe က ချက်ချင်းမတက်တာနဲ့ ခုမှ တင်နိုင်ပါတယ်... V2 ကို ကလေးတွေ နှိပ်စက်နေကြပုံပါ...

အခု ဘလော့လောကမှာ ကိုယ်တိုင် ဖန်တီးမှု မလုပ်ပဲ၊ ညွှန်းတာလည်း မဟုတ်ဘဲ ဘလော့ပို့စ်များကို ဒါရိုက်ကူးယူးပြီး ဖော်ပြနေတဲ့ မြန်မာဘလော့တွေ တော်တော်များများ ပေါ်နေပါတယ်... ကိုယ်တိုင် ဖန်တီးနေကြတဲ့သူတွေကို စိတ်ပျက်ရအောင် မလုပ်ကြစေချင်ပါ...

Monday, April 02, 2007

D Corner V2 Robot သရုပ်ပြပွဲ

မနေ့က ကိုသခင်ကြီးရယ်၊ ကျတော်ရယ်၊ ဘုဃံဏက်ရယ် Skywalk မှာ D Corner က လုပ်တဲ့ V2 စက်ရုပ်ပြပွဲနဲ့ IT ပစ္စည်းများ ပြပွဲကို ရောက်ခဲ့လေသည်...



ဒီအပေါ် ၂-ပုံက D Corner က ကိုကျော်ကျော်က V2 စက်ရုပ် အကြောင်း ရှင်းပြနေတာပါ... အိမ်စောင့်နိုင်တယ်... စကားပြန်ပြောနိုင်တယ်... ဓာတ်ပုံရိုက်ရင် အိုက်တင်ပေးတတ်တယ်... ပစ္စည်းလှမ်းတောင်းတတ်တယ်... ဘယ်သွားမလဲဆိုတာ မေးတတ်တယ်... စိတ်တိုတတ်တယ်... ကတတ်တယ်... လူတွေရဲ့မျက်နှာကို လိုက်ကြည့်တတ်တဲ့ စက်ရုပ်ပါ... ညဘက်ဆို ၁၅-ပေ အကွာအဝေးမှာ လှုပ်ရှားမှုရှိရင် အချက်ပေးတယ်လို့ ဆိုပါတယ်... စိတ်ဝင်စားဖို့ကောင်းတဲ့ စက်ရုပ်လေးပါ... စက်ရုပ်တန်ဖိုးက ကျပ် ၁၀-သိန်း ဝန်းကျင် ဖြစ်ကြောင်း သိရပါတယ်...


ကိုကျော်ကျော်က သူတကယ် ရောင်းချင်တာ စက်ရုပ်မဟုတ်ပါဘူးတဲ့... Digital Camera, နဲ့ TV Wii Game စက်တွေပါတဲ့... စက်ရုပ်က မန္တလေးကလူတွေ စိတ်ဝင်စားအောင်၊ မြင်ဖူးအောင် ယူလာတယ် ဆိုပါတယ်... အပေါ်က ပုံက သင်္ကြန်ကင်မရာပါ... ကျတော်တို့ကို D Corner က မမ တစ်ယောက် ရှင်းပြပေးနေတာပါ... Olympus က ထုတ်လုပ်တာဖြစ်ပြီး model ၂-မျိုး ရှိပါတယ်... ၁-မျိုးက ၅-သိန်း ဝန်းကျင်ဖြစ်ပြီး၊ နောက် ၁-မျိုးက ၆-သိန်း ဝန်းကျင်ပါ... လက်ဆောင်အနေနဲ့ 1GB memory card ပေးမှာပါတဲ့ဗျာ...
မမက ရှင်းပြနေရင်း ကင်မရာကို လွှတ်ချလိုက်လို့ လန့်သွားတာပဲ... ကင်မရာက အကြမ်းပတမ်းခံတာကို ပြတာပါ... ရေစိမ်လည်း ဘာမှ မဖြစ်ပါဘူး... ကျတော်တို့ ပြန်ခါနီး ကိုကျော်ကျော်က စင်ပေါ်မှာ ကင်မရာကို ခဏခဏ အောက်ပြစ်ချလိုက် ရေထဲစိမ်ပြလိုက်၊ ဖနောင့်နဲ့ ပေါက်ပြလိုက် လုပ်တာတောင် ကင်မရာ ဘာမှ မဖြစ်ပါဘူး... သင်္ကြန်မှာ ရေစိုပြီး ကင်မရာပျက်မှာ စိုးရိမ်နေသူတွေ D corner မှာ အပြေးအလွှားနဲ့ သွားဝယ်လိုက်ပါဦး...

ဝယ်ဝယ် မဝယ်ဝယ် စိတ်ရှည်လက်ရှည် ရှင်းပြပေးတဲ့ D Corner က ကိုကျော်ကျော် နဲ့ အဖွဲ့ကို အထူးပဲ ကျေးဇူးတင်ပါတယ်...

ဒီ သရုပ်ပြပွဲကတော့ ဧပြီ ၁၊ ၂၊ ၃ ရက်နေ့တွေမှာ Skywalk promotion area တွေမှာ ကျင်းပပြုလုပ်နေတာ ဖြစ်ပါတယ်...

My Labels: မန္တလေး သတင်း, Myanmar News, MDY